|      
Сакаш да се откажеш?
Пред да ја потврдиш својата одлука, запознај се со последиците од таа одлука.
Доколку го потврдиш своето откажување, на твојот комјутер ќе наместиме cookie, кој ќе ни овозможи, во текот на натпреварот (14.03 - 18.03.2016) при посета на порталот да те препознаеме и да овозможиме слободно користење на порталот, без прикажување сликички, односно контролор на играта од десна страна на екранот.

Истовремено ќе бидат одземени сите собрани поени. За жал, со откажувањето, губиш и право на награди.

Дали се уште сакаш да се откажеш?
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Со продолжување на користењето на сајтот се смета дека се согласувате со користење на колачињата за наведените цели. За продолжување кликнете “Во ред”.   Дознајте повеќе.

Ќе плачеш, ветувам, бидејќи ќе дознаеш што е љубов

Kristijan Janusic, 5.10.2015
Од блогот на таткото Кристијан Јанушиќ: Ќе плачеш, ветувам, бидејќи ќе дознаеш што е љубов, за кого дишеш и зошто живееш...
Клучни зборови:

image
/11


 

Ме уверуваа дека тоа е најубавото нешто на светот и дека таа случка е нешто што досега не сум го доживеал и почувствувал. Ми рекоа да не се грижам и дека се ќе биде во ред. Ана и јас слушавме разни приказни и исповеди на трудници, мајки, жени. Не' интересираше се', а јас сакав да знам што ја чека Ана и што се' можам да направам за да и помогнам. Мислев дека знам се, но не знаев ништо.

 

ОК, признавам, емотивец сум и сум плачел на неколку сцени од цртани филмови како дете. Но тие солзи некако доаѓаат брзо и кратко траат, а цртаниот филм го забораваш – до повторното гледање и повторното сушење на очите. И моите родители се емотивни, а јас сум нивна копија и му благодарам на Бога за тоа.

 

Но зошто е важно дали сум емотивен или не и кои се моите мајка и татко? Па важно е, бидејќи и тие го доживеале ова што јас сега го почнувам.

 

И само да знаете, ова не е напис наменет за младите родители за да знаат што и како, тоа никако не би се осудил да го направам. Ова е само едно големо фала на Ана, таа е љубовта на мојот живот, а јас, иако знаев што е храброст, новата лекција ја научив од неа во саботата, на 26.09.2015. Тоа беше најстрашниот, преполн со исчекувања и најсреќниот ден во мојот живот и таа ја имаше главната улога. Целиот филм наместо завршна шпица, нас ни подари ќерка. Корина е новиот дел од моето срце, копија од мене и Ана и наше мало чудо.

 

И секако, јас знам дека и вие го сакате вашето дете. Знам дека не сум единствен кој сака најсилно што тоа на моменти е неиздржливо и не се опишува со зборови. Само јас сакав да го кажам тоа на глас, бидејќи ми е драго што и јас станав дел од тој тим.

 

На сите жени кои имаат дете или се обидуваат да зачнат им порачувам дека ги почитувам, разбирам и слушам.  А на мојата мајка имам да и кажам нешто: “Ти се восхитувам и го молам Бога да бидам како тебе и како тато, бидејќи само тогаш ќе знам дека сум на вистинскиот пат. Ти благодарам што и покрај неиздржливата болка, си издржала до крај и си ме донела на овој свет. Бидејќи овој свет не е богатство, богатство сте вие кои сте ми подариле живот и кои низ љубов сте ги создале моите прекрасни сестри и мене. И простете ми за секој неубав збор, бидејќи не мислев ништо од тоа, секогаш ве сакав најсилно и тоа нема ништо да го промени.”

 

И ако понекогаш ви биде страв, само затворете ги очите и во себеси тивко речете си: “Мојот избор се љубовта и верата”.


Ана и Корина овој викенд ми се враќаат од болница. Овие денови без нив ми стануваат неподносливи. Но трпелив сум бидејќи никогаш не добивам се наеднаш, но секогаш добивам се. Тоа е мојата животна приказна која сум ја прифатил и која не би ја менувал за ништо. Ана и Корина ги посетувам секој ден. На Корина вчера и го шепнав на уво најцврстото ветување: “Секогаш ќе те држам за тоа прекрасно раче и ќе бидам твој супер-херој и заштитник, ветувам. Најважна си, сакана си, прекрасна наша ќеркичке!”

 

Не знаев, но сега знам. И после 9 месеци грижа, страв, радост, љубов и солзи, ќе ви го кажам уште само ова: Тој момент во потполност ја отстрани секоја моја грижа и на лицето ми ја стави најголемата насмевка, а мојот живот доби поинакво значење. Ана е мојата хероина, засекогаш, а Корина ме научи дека е тотално фер да се биде заљубен во две девојки истовремено.

 

Бакнежи од нас тројцата

Ана, Корина и Кико

 

Преземено

Ти се допаѓа статијата? Кликни “Like” и додај свој коментар:

Др. Ранко Рајовиќ: Родители, разбудете се
Интервју со Др. Ранко Рајовиќ – МЕНСА
4
Да имаш постара сестра е најдобро нешто на...
Кога бевте деца, скришно ти купуваше колачи. Кога малку пораснавте, преку неа се набави и првото пиво и со неа беше поле...
4
Мамa вели да, тато вели не?!
Kако да го совладате конфликтот во 5 чекори?
4
Книгата- најдобар пријател
Книгата му дава на детето моменти на забава, но и нови сознанија. Еден дел од слободното време на детето треба да се исп...
4




Анкета

Што да дознаете.
пеперутка16

Кога би носеле тројки, што би направиле?