Доењето, пресоблекувањето и бескрајно долгите прошетки со количка, уште некое време ќе бидат Вашата главна преокупација.

Сеуште е рано да се зборува за разгалено дете, затоа што неговите желби  се еднакви на неговите потреби, па нема да го разгалите ако го смирувате неговиот плач.

На доенчето му е потребна барем една сакана личност, со која ќе може да развие посебен однос. Обично тоа е мајката. Односот полн со љубов, грижа и нега му овозможува да се чувствува сигурно и прифатено. Притоа, во првата година, таквиот однос е потребен за правилен социјален, емоционален и ментален развој. Запамтете дека позитивните искуства во овој период се незаменливо животно богатство за детето.

Во првите месеци растењето во должина е отприлика со 3.5 cм. месечно. Во тежина доенчето ќе добива по 30 гр дневно. Тоа значи дека Вашето бебе, при крајот на третиот месец, ќе биде за 10,5 cм. подолго и 2500 гр. потешко отколку при раѓањето. Сепак треба да знаете дека ова се општи рамки и дека се можни отстапувања.

>> Повеќе

Држење на главата
Во третиот месец доенчето веќе може да ја држи главата исправена, но и понатаму му е потребна Ваша помош при подигнувањето. Кога лежи на стомак ја подига главата и предниот дел на градниот кош. Притоа се потпира на лактите и често со прстите тапка по подлогата. Со тоа ги зацврстува вратните мускули.

>> Повеќе

ДОЕЊЕ
Ритам на хранење
Доенчето веќе има воспоставено ритам на хранење и во третиот месец му се потребни 6-8 оброци дневно (во текот на 24 часа). Повеќето доенчиња се будат за ноќен оброк два до три пати, а некои спијат и по 6 часа континуирано. Неговата потреба за храна обично се зголемува во 3-та и 6-та недела, па во 3-от месец, но може и било кога во тек на развојот. Тоа се сосема природни скокови во растот, кои се дел од развојот и кои се манифестираат како желба за почесто доење.

>> Повеќе

Ритам
Ритамот на спиење на доенчето полека се нормализира и тоа разликува ден и ноќ. Ноќе спие околу 10 часа и потребно му е да спие уште 3 пати дневно по два часа (доенчето е во будна состојба непрекинато околу 2 часа). Повеќето доенчиња се будат два до три пати во текот на ноќта за хранење. Ако Вашето бебе спие шест часа без да се разбуди, сметајте дека сте едни од најнаспиените родители, затоа што повеќето бебиња толку спијат од 5-6 месец, а некои дури по првата година.

>> Повеќе

Покачена телесна температура
Порано или подоцна ќе се сретнете со покачена телесна температура кај детето. Најчести причинители се инфекции на дишните патишта. Причина може да бидат и бактериски инфекции или претоплување заради надворешниот извор на топлина. Други причини се ретки.

>> Повеќе

Дали можам да го разгалам доенчето
Стручњаците тврдат дека неможеме да ги разгалиме доенчињата во првата половина од првата година на животот. Заради тоа можете, без чувство на вина да ги опсипувате со внимание. Препорачливо е што повеќе да му зборувате и да се занимавате со него, затоа што ќе биде позадоволно и поразиграно. Бебето за кратко време ќе си игра само со своите гласови и прсти.

>> Повеќе

Најдобра забава за доенчето
Најдобра забава за доенчето е дружење со родителите. Ужива во разговорите, насмевките, пеењето, гледањето во очи – задоволно е ако може да биде во Ваша близина. На тој начин доенчето си игра, учи и се запознава со родителите.

>> Повеќе

При цицање на цуцлата, поместувањето на јазикот е потполно поинакво отколку при цицање од дојката. Затоа доенчето може да се збуни и послабо да цица од дојката. Заради тоа употребата на цуцла не се препорачува додека доенчето не совлада цицање на дојката.