Ритам
Ритамот на спиење на доенчето полека се нормализира и тоа разликува ден и ноќ. Ноќе спие околу 10 часа и потребно му е да спие уште 3 пати дневно по два часа (доенчето е во будна состојба непрекинато околу 2 часа). Повеќето доенчиња се будат два до три пати во текот на ноќта за хранење. Ако Вашето бебе спие шест часа без да се разбуди, сметајте дека сте едни од најнаспиените родители, затоа што повеќето бебиња толку спијат од 5-6 месец, а некои дури по првата година.

Без оглед на тоа што ритамот на спиење се нормализира, сепак помагајте му на доенчето да разликува ден (станот нека биде светол, околината нека не биде тивка и мирна, разговарајте и играјте со него) и ноќ (затемнета просторија, преповивање во тишина и хранење без разговор).

Доенчето во тек на спиење

Додека спие доенчето ги обработува и средува сознанијата кои ги добило додека било будно, бидејќи не успеало во моментот, заради мноштвото информации. Спиењето е важно за развојот затоа што квалитетот и квантитетот на спиење влијаат на активноста и расположението на будното доенче. Одмореното доенче со радост си игра и преку играта учи, а ненаспаното е нервозно, раздразливо и играта не го привлекува неговото внимание.

За време на спиењето се излачува најголем дел од хормоните за раст, па така кога спијат децата најмногу растат во должина.

Моето доенче
Развојни фази
Доење и дохрана
Спиење
Здравје и нега
Мама и тато
Си играме