Покачена телесна температура
Порано или подоцна ќе се сретнете со покачена телесна температура кај детето. Најчести причинители се инфекции на дишните патишта. Причина може да бидат и бактериски инфекции или претоплување заради надворешниот извор на топлина. Други причини се ретки.

Најчесто покачената телесна температура ќе ја почувствувате со допирање на детското чело, а уште посигурна проценка ќе ви даде допир со усните на челото (бакнеж во чело). Тоа можете да го потврдите и со мерење на температура со класичен или дигитален топломер. Температурата можете да ја измерите под пазувите, во ушите или анусот. Ако мерите ректално, треба да знаете дека температурата е за пола степен повисока, отколку ако ја мерите во пазувите или увото.

Кога е потребно спуштање на температурата

Важно е да се знае дека покачената телесна температура има позитивно влијание во борбата со инфекции, заради тоа не е препорачливо да се симнува ако е под 38,5° C. Ако температурата порасне над 39° C , се зголемуваат нејзините негативни ефекти и заради тоа треба да ја симнете. Прво погрижете се доенчето да биде во проветрена просторија, со температура околу 20 ° C (не во претопла соба, покриено со ќебе) треба да е облечено во памучна облека и по потреба покриено со лесна покривка. Можете да го ладите во млака купка (во кадата нека има малку вода и полејте го по телото) Важно е да пие повеќе течности, заради тоа што покачената температура може да предизвика дехидрација. Препорачливо е секогаш да имате средства за симнување на температурата, како што се чепчиња на парацетамол, или сируп. Лековите секогаш користете ги според упатството од лекарот.

При првата покачена температура најверојатно ќе го посетите матичниот лекар кој ќе Ви објасни како да постапите ако случајот се повтори. Морате да посетите лекар ако Вашето доенче има помалку од два месеци, ако има покачена телесна температура и многу плаче, има конвулзии, тешко дише, има тврд врат или осип на кожата, но и во случај кога настанало претоплување, заради високата надворешна температура.

Вакцинација

Кога доенчето ќе наполни два месеци му следува уште една посета на советувалиштето за здрави деца. Тогаш ќе му измерат тежина и должина и после прегледот на педијатарот, доенчето добива прва вакцина против Хепатит Б. Прочитајте го Календарот на вакцинација на Рингераја

Моето доенче
Развојни фази
Доење и дохрана
Спиење
Здравје и нега
Мама и тато
Си играме