Добре ни дојде драго новороденче!

Новороденчето се прилагодува за живот надвор од материцата и во тој период е најосетливо и потполно зависно од грижата и негата на родителите. Првиот месец е период на запознавање и прилагодување со семејството на новиот член. Тоа е многу убав и емотивен, но и доста напорен период.
Првата година, од раѓање па до првиот роденден, го викаме период БЕБЕ. Првите четири недели од животот дополнително ги дефинираме и викаме период НОВОРОДЕНЧЕ. Едно мало новороденче веќе држите во прегратка!

За породилната тежина
Просечна породилна тежина на новороденчето е 3.340 грама. Поголемиот број на бебињата при раѓање имаат тежина меѓу 2.500 и 4.100 грама (машките бебиња се малку потешки од женските, а првородените деца, во однос на помладите браќа или сестри, се родени со помала тежина) .Здравото новороденче може после раѓањето да изгуби неколку грама (5-10 % од родилната тежина) пред сe заради исфрлање на првата мокрача и мекониумот и заради малата количина на течности која се внесува, во однос на количината течности која се губи.

>> Повеќе

За да преживее , на новороденчето му помагаат рефлексите
Бебињата се, по доаѓањето на свет, добро подготвени за живот но сепак за правилен раст и развој им треба многу љубов, нежност и нега од родителите. На дразбите од околината бебињата реагираат рефлексно (ненамерно), што им помага да преживеат надвор од материцата. Овие рефлекси се вродени и некои од нив исчезнуваат после неколку недели, а некои остануваат и неколку месеци. Бебињата ја препознаваат мајката со помош на сетилото за вид, мирис и слух, а со помош на миризбата и вродениот рефлекс на цицање ја пронаоѓаат мајчината дојка и почнуваат да цицаат.

>> Повеќе

Доење
Доењето му гарантира на доенчето квалитетна исхрана, заштита од инфекции, ја намалува опасноста од алергии на храна и му дава чувство на љубов и сигурност. Доењето има поволно влијание на психо-физичкиот развој на штотуку роденото бебе. Позитивно влијае и на мајката и на поврзаноста меѓу мајката и детето. Освен горенаведените позитивни страни, доењето е најповолната исхрана за Вашето доенче.

>> Повеќе

Биоритам
Новороденчето нема вграден внатрешен часовник, за да разликува ден и ноќ. Во почетокот периодите на спиење и будност се распоредени подеднакво во текот на денот и ноќта (24 часа). Невролошкиот развој постепено води до се подолги периоди на спиење и будност. И сами можете да влијаете на ритамот на спиење така што во текот на денот повеќе ќе се занимавате со новороденчето, а ноќе ќе го храните и пресоблекувате на пригушена светлина.

>> Повеќе

Апгар тест
Бабицата (односно педијатарот, ако е присутен на пораѓајот) го оценува доенчето спрема Апгар скалата веднаш по раѓањето и пет минути по раѓањето. Со оценка од 0-2 се оценува бојата на кожата кај новороденчето, дишењето, срцевите отчукувања, тонусот на мускулите и рефлексите. Оценките се собираат и даваат вкупна оценка помеѓу 0 и 10. Тие покажуваат во каква состојба, односно во каква кондиција е вашето новороденче, по раѓањето и дали му треба помош од педијатар , неонатолог. Оценките од 0-3 се ниски и на таквите новороденчиња им е потребна итна помош од лекар. Од друга страна оценките од 7-10 значат дека доенчето е во добра кондиција и дека не му треба дополнителен надзор.

>> Повеќе

Да се запознаеме!
Првиот месец е период на запознавање, воспоставување на поврзаност со доенчето и прилагодување на семејството на новиот член. Тоа е многу убав емоционален , но исто така и многу напорен период. Новопечени татковци – и Вие бидете дел од тоа единствено доживување, запознајте се со Вашето дете и поставете сигурни темели на Вашиот однос и семејната среќа. На новопечената мајка сега и е потребна Вашата помош и поддршка. Нема подобро време за годишен одмор од првиот месец по раѓањето на Вашето дете.

>> Повеќе

Играта го поттикнува детскиот развој
Играта е забавен начин на поттикнување на детскиот развој. На доенчето играта му помага да го запознае сопственото тело и светот кој го опкружува. При играта доенчето ги користи и развива сите свои сетила. Во првиот месец играта мора да биде нежна и краткотрајна, затоа што новороденчето брзо се уморува. Ќе ужива ако му пеете (иако не сте талентирани), посебно му се допаѓа Вашиот глас, заради тоа често разговарајте со него, можете дури и гласно да му читате весник. Нежно заиграјте со него на некоја музика или застанете до прозорецот и опишувајте му го надворешниот свет. Кога времето е убаво изнесете го надвор, да ги слушне звуците на околината и да го почувствува свежиот воздух. Не заборавајте на адекватна заштита од сонце или ветар.

>> Повеќе

Предвреме родени бебиња се бебињата кои се родени пред 37. недела од бременоста. Обично се се ниска родилна тежина, но можат да тежат и до 3000 грама.