Ку–ку !

Во осмиот месец од животот, на детето му требаат и други продукти освен млекото. Секако, при воведување на други продукти, продолжуваме со доење, или хранење со шишенце. Препорачливо е новите состојки да се воведуваат во мали количини. Во исхраната воведуваме само една нова состојка дневно, или ја додаваме кон веќе испробаната состојка, на секои 3-4 дена, за да знаеме од што е можната алергиска реакција. Во првата година треба да се ограничи употребата на сол и шеќер.

Алергијата на храна може да се манифестира како реакција на органите за варење (повраќање, пролив, омалаксаност), промени на кожата (осип), а многу ретко потешкотии во дишењето (течење на носот и тешко дишење).

Во осмиот месец растот се успорува и доенчето добива приближно 110 гр. неделно и околу 1,5 cm. месечно.

Што знае и што може доенчето?
Повеќето бебиња сега веќе се вртат во двата правци, некои од лежечка состојба веќе можат и да седнат. Доенчето е способно да седи само подолго време, и притоа се поместува во сите правци за да ги дофати играчките. Седењето му го овозможува комбинацијата од сила, рамнотежа и координација на движењата. Во овој период интензивно почнува да се развива рамнотежата, што на доенчето му овозможува да седи и лази, а подоцна, со подобрување на рамнотежата дури и самостојно да стане, а подоцна и да прооди. При лазење во почеток се најважни рацете, затоа што се појаки и подобро развиени, а детето ги користи за маневрирање по просторот.

>> Повеќе

Млечен оброк
Во осмиот месец на доенчето му се потребни два млечни оброци дневно, покрај мешаната исхрана. Ако негова главна храна е сеуште млекото, потребни му се 5-6 оброци. Повеќето доенчиња ноќе спијат 6 часа без прекин, а некои сеуште се будат 1-2 пати за хранење.

>> Повеќе

Алергија на храна
Под поимот алергија на храна мислиме на сите алергиски реакции кои ги предизвикуваат алергените во храната. Најчести продукти кои предизвикуваат алергии кај децата се кравјо млеко и соја (децата кои се алергични на кравјо млеко, обично се алергични и на соја), јајца, кикиритки, ореви, лешници, јаготки, чоколада, риби и останати морски плодови.

>> Повеќе

Седуммесечно доенче ноќе спие околу 10 часа и потребни му се отприлика уште две двочасовни дремки во текот на денот. Повеќето доенчиња спијат и по шест часа без прекин.

>> Повеќе

Време поминато со доенчето
Доенчето е воодушевено од играта со мижење (ку-ку) затоа што во тој период почнува да сфаќа дека луѓето постојат и кога не ги гледа.

>> Повеќе

Доенчето е раздвижено и брзо, па воодушевено истражува. Освен тоа се труди да ги дофати сите интересни предмети. Ги истражува со гризење и цицање. Притоа е многу мало за да научи што е опасно и зошто. Му треба помош за да ги избегне опасностите. Грижата за сигурен дом на Вашето дете може да биде многу напорна, но во комбинација со постојан надзор таа е најсигурен начин за спречување на незгоди и повреди. Мора да знаете дека е невозможно (и не е препорачливо)детето да го држите изолирано од потенцијалните опасности. Паѓања, модрици, гребнатинки се дел од секојдневието на активното дете, а на Вас останува да спречите сериозни повреди преку прилагодување на околината и постојан надзор на детето.