Седуммесечно доенче ноќе спие околу 10 часа и потребни му се отприлика уште две двочасовни дремки во текот на денот. Повеќето доенчиња спијат и по шест часа без прекин.

Совети за подобар сон

· Придржувајте се кон секојдневната рутина, капење, масажа, облекување во пижамчиња, нежно пеење приспивни песнички, читање приказни и секако многу нежност и галење.

· Обидете се да го организирате хранењето секој ден во исто време.

· Собата во која детето спие нека биде осветлена со ноќна ламба.

· Научете го доенчето само да заспива во своето креветче (ставете го во кревет кога е поспано, а не откако ќе заспие.

· Ако доенчето само заспива навечер, веројатно само ќе се успие во текот на ноќта, затоа што сега на повеќето доенчиња не им е потребен ноќен оброк.

· Многу е важно спиењето преку ден (премногу уморни доенчиња потешко заспиваат и понемирно спијат) По 2-3 часа во будна состојба доенчето е уморно.

· Интензивната активност и динамиката на доенчето се последица на замор и знак дека на доенчето му е потребен одмор.

· Ако доенчето користи цуцла при заспивање, во текот на ноќта ќе му биде потребна Вашата помош во пронаоѓање на цуцлата. Тоа можете да го спречите со постепено одвикнување од цуцла, или обидете се да го научите да ја најде само.

Моето доенче
Развојни фази
Исхрана
Здравје и нега
Спиење
Си играме