Време поминато со доенчето
Доенчето е воодушевено од играта со мижење (ку-ку) затоа што во тој период почнува да сфаќа дека луѓето постојат и кога не ги гледа.

Нема поубав звук од насмевката на доенчето, а посебно е волшебна гласната насмевка. Доенчето можете да го насмеете со нежно скокоткање, дување во стомачето или со песничка која често му ја пеете.

Доенчето ужива да планинари по родителите и да ги истражува можностите на своето тело, со задоволство ги вежба новите вештини, како што се игра во седечка положба или лазење. Со радост си игра со ножињата и како останатите работи ги става во уста.

Воодушевено е од бучни игри и се радува на звукот на удирање предмет од предмет. Доближете му го светот на животните со имитирање на гласови и притоа гледајте животни во сликовниците. Доенчето секогаш може да го расположите со пеење, игра или читање книга.

За книга никогаш не е прерано

Обидете се да го запознаете детето со книгите. Во овој период изберете сликовници со дебели картонски листови, а особено ќе му го привлечете вниманието со сликовници кои имаат скриени слики, затоа што нивното отворање ќе му ја разбуди љубопитноста. Изберете ги оние кои имаат јасни и шарени слики.

Од причина што детето се’ става во уста, понудете му играчки кои може да ги истражува и џвака со уста. Заради тоа внимавајте играчките секогаш да бидат чисти. Мораат да бидат и сигурни, без ситни делчиња, кои можат да се одделат или извлечат, да се без остри краишта и направени од безбеден материјал.

Моето доенче
Развојни фази
Исхрана
Здравје и нега
Спиење
Си играме