|      
Сакаш да се откажеш?
Пред да ја потврдиш својата одлука, запознај се со последиците од таа одлука.
Доколку го потврдиш своето откажување, на твојот комјутер ќе наместиме cookie, кој ќе ни овозможи, во текот на натпреварот (14.03 - 18.03.2016) при посета на порталот да те препознаеме и да овозможиме слободно користење на порталот, без прикажување сликички, односно контролор на играта од десна страна на екранот.

Истовремено ќе бидат одземени сите собрани поени. За жал, со откажувањето, губиш и право на награди.

Дали се уште сакаш да се откажеш?
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Со продолжување на користењето на сајтот се смета дека се согласувате со користење на колачињата за наведените цели. За продолжување кликнете “Во ред”.   Дознајте повеќе.
Сакаш да имаш твој календар?
ПРИЈАВИ СЕ и добивај новости со корисни, интересни и забавни содржини на својата електронска пошта.

Возраст на вашето дете: 9 месеци


Вашето доенче почнува весело да се движи низ просторот и време е за играчки кои може да ги турка пред себе, или да ги влече зад себе (топки, валјаци, играчки со колца...). Сепак најинтересни му се предметите кои ги наоѓа додека лази и истражува. Внимавајте да ги отстраните сите опасни предмети, затворете ги вратите и заштитете ги скалилата. Посебно внимавајте на отворањето фиоки, за детето да не ги потфати прстите.

Со заедничко читање обидете се да му ги приближите книгите. За овој период примерени се сликовници со дебели картонски корици и листови, а посебно ќе му го привлечат вниманието сликовниците кои имаат сокриени слики, затоа што отворањето ќе ја разбуди неговата љубопитност. Изберете сликовници кои имаат јасни, шарени слики на кои ќе бидат работи кои детето ги виделo и кои му се интересни. Зборувајте му за луѓето од книгите, ќе ве слуша со голем интерес.


Развој на детето: Моето доенче


Во десеттиот месец доенчето добива приближно 110 гр. неделно и расте околу 1,5 cm. месечно.


Развој на детето: Развојни фази


Први чекори
Во деветтиот месец доенчето веќе не е задоволно ни во седечка, ни во лежечка состојба. Се труди да се држи на нозе и се придржува на се што му е на располагање. Тоа може да биде намештај, постар брат или сестра, па дури и куче (ако не успее да му побегне) Во овој период детето може со потпирање да го направи и првиот чекор. Повеќето деца на овој, или сличен начин се движат низ просторот. Ако доенчето лази, може да Ве изненади со својата брзина. Повеќето стануваат на нозе, но имаат проблем при седнување. Повеќето не знаат да седнат самостојно, затоа очекувајте чести повици на помош.

>> Повеќе


Развој на детето: Исхрана


Воведете редовна исхрана
При старост од девет месеци потребно е покрај мешаната исхрана да продолжите со доење, односно хранење со шишенце. На доенчето му се потребни барем уште два млечни оброци (мајчино или адаптирано млеко), 250 мл. дневно.

>> Повеќе


Развој на детето: Здравје и нега


Систематски преглед
Со наполнети девет месеци, вашето дете повторно ќе биде повикано на систематски преглед. Одбраниот педијатар ќе го прегледа детето, ќе го оцени неговиот развој, по потреба ќе Ве советува и ќе одговори на вашите прашања. Во овој месец детето ќе прими ревакцина за туберкулоза, ако педијатарот утврдил дека вакцината е неуспешна.

>> Повеќе


Развој на детето: Спиење


Доенчето спие околу 10-12 часа ноќе и потребни му се 2 дремки, по 1-2 часа, во текот на денот.

>> Повеќе


Развој на детето: Добро е да се знае


Враќање на работа
Породилното отсуство полека се ближи кон крајот и се поблиску е денот кога ќе морате да се вратите на работа. Само ретки семејства можат да си дозволат мајката да остане дома и да се грижи за семејството. Многу жени сакаат да се вратат на работа, затоа што ја сакаат својата работа и друштвото на работното место.

>> Повеќе


Развој на детето: Си играме


Игри на доенчето
Доенчето ги имитира родителите и на тој начин се обидува да комуницира. Ужива во игрите како што се мижење и со задоволство ги имитира родителите (кашлање, плескање со раце...) Можете да го насмеете со нежно скокоткање, дување во стомачето, игрите буба-буба и мижење. Вашите родители (дедото и бабата на доенчето) нека Ви ја освежат меморијата за игрите кои сте ги играле. Сега можете да ги пренесете на следната генерација. Верувајте дека брзо ќе се присетите на песничките и игрите кои сте ги заборавиле.

>> Повеќе


Дали сте знаеле?


Децата почнуваат да сонуваат многу рано, всушност сонуваат уште во материцата по седмиот месец од бременоста. Кај децата фазата на активно спиење (фаза кога спиеме плитко и сонуваме)зазема поголем дел од спиењето, отколку кај возрасните. Тој начин на спиење е многу значаен за брз развој на мозокот, бидејќи доенчето во таа фаза на спиење преработува и усвојува се што научило додека било будно.

Слична содржина


Претходен период: Возраст 8 месеци
Следен период: Возраст 10 месеци



Слични артикли: