Враќање на работа
Породилното отсуство полека се ближи кон крајот и се поблиску е денот кога ќе морате да се вратите на работа. Само ретки семејства можат да си дозволат мајката да остане дома и да се грижи за семејството. Многу жени сакаат да се вратат на работа, затоа што ја сакаат својата работа и друштвото на работното место.

Како и да е, треба да донесете одлука во врска со чувањето на детето. Можни се повеќе решенија, но ниедно не е идеално. Сите имаат свои предности и недостатоци. Добро размислете дали повеќе ви одговара чување на детето кај баба или дедо, дали Ви одговара градинка или дадилка. Секое семејство наоѓа најдобро решение за себе. Треба да бидете свесни дека пред детето е голема промена. Обидете се постепено да го навикнете дека мама не може да биде со него во секој момент од денот. Во преодниот период кратко време (пола час во денот) нека го чува некој друг. Никогаш немојте да му ветувате нешто што не можете да го реализирате (на пр. мама после ужинката ќе дојде по тебе). Погрешно е мислењето дека детето ќе се заигра и ќе заборави на верувањето. Напротив, следниот пат разделбата ќе биде уште потешка.

Внимавајте детето да не ја почувствува Вашата тага и загриженост околу неговото одење во градинка, затоа што ќе мисли дека тоа е тажен настан.

Моето доенче
Развојни фази
Исхрана
Здравје и нега
Спиење
Добро е да се знае
Си играме