Играта го поттикнува детскиот развој
Играта е забавен начин на поттикнување на детскиот развој. На доенчето играта му помага да го запознае сопственото тело и светот кој го опкружува. При играта доенчето ги користи и развива сите свои сетила. Во првиот месец играта мора да биде нежна и краткотрајна, затоа што новороденчето брзо се уморува. Ќе ужива ако му пеете (иако не сте талентирани), посебно му се допаѓа Вашиот глас, заради тоа често разговарајте со него, можете дури и гласно да му читате весник. Нежно заиграјте со него на некоја музика или застанете до прозорецот и опишувајте му го надворешниот свет. Кога времето е убаво изнесете го надвор, да ги слушне звуците на околината и да го почувствува свежиот воздух. Не заборавајте на адекватна заштита од сонце или ветар.

Играчки за новороденче?

Најомилената играчка на секое новороденче се неговите родители затоа што неизмерно ужива во посматрање на мајчиното или татковото лице, како и во слушањето на нивните гласови.

За поттикнување на сетилата на креветчето ставете му вртелешка со живи и контрастни бои. Повеќето од нив свират нежна музика која го смирува бебето.

Одберете ѕвечалки и други играчки со контрастни бои. На бебето на почетокот најмногу му се допаѓаат црно-бели и играчки со живи бои (црвена, жолта, зелена, плава). Секогаш бидете сигурни дека играчката со која игра Вашето дете е безбедна, без ситни делчиња кои детето може да ги извади (постои опасност со нив да се загуши или да ги голтне), без остри рабови и да е направена од нештетни материјали.

Моето новороденче
Развојни фази
Доење и дохрана
Спиење
Здравје и нега
Мама и тато
Си играме