/11 /11

Таа е муза,  девојка,  домаќинка, самовила, мајка, жена. Таа е поубавата половина на човештвото, таа има право на целогодишно  внимание и додворување! Неа и се посветени стихови и романи, слики и скулпторски ремек дела. За неа се воделе битки. И таа водела битки. И води - за децата, за правото на голтка воздух.

Самиот празник потекнува од 1857 година. Тогаш за прв пат Њу Јоршките шивачки и текстилни работнички се спротивставиле против лошите услови за работа и ниските плати. Во тие времиња тоа било речиси недозволиво и полицијата набрзина ги растерала. Две години подоцна, на истиот датум тие го создаваат првиот женски синдикат. Иако прославата на денот на жената во текот на годините почнала да замрува, по 1960 година се родил феминизмот и 8-ми март се претворил во вистински  празник на жената .

Денес сме пред прагот на еден нов 8-ми март. Истиот од пред 157 години на американските шивачки. Сакаме да врескаме дека ни треба гаранција за работа, дека не сакаме да работиме прекувремено,  дека се плашиме за здравјето на децата и спокојството на нас родителите.

Дали да го славиме 8 -ми март? Девојки, жени и мајки, тоа е прашање на личен избор и кредо . Дали со насмевка ќе одвратите на поздравот " Среќен празник" или со досада ќе процедите низ  заби " Мм , благодарам " –правото е ваше. Нели и празникот е токму за тоа -  за правото на жената !

Сигурно многу ќе се израдувате ако ви подарат цвеќе . Фер од нивна страна! Но не сакаме да е само на 8 март. Може да е и така спонтано, за добро утро, за насмеан ден.

Нека ви е насмеан празникот, девојки, жени, мајки! Заслужувате да сте посебни .

Честит празник!