/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Масло од лаванда

Маслото од лаванда помага за раст на косата. Соодветно е за секој тип коса и спаѓа меѓу универзалните природни масла. Маслото од лаванда можете да го користите во различни домашни маски против првут и за оштетена коса. Маслото од лаванда се препорачува кај алопеција. Добро се комбинира со масло од јојоба и масло од рузмарин.

Измешајте 10 капки масло од лаванда со 5 капки масло од рузмарин и 4 капки масло од јојоба. Чувајте ја смесата во темно стаклено шишенце. Нанесувајте на скалпот и по должината на косата еднаш на 10 дена за забрзан раст.

Масло од рузмарин

Маслото од рузмарин е богато со витамин Б, железо и калциум. Соодветно е за тенка коса. Обично маслото од рузмарин се продава во многу висока концентрација, па ви препорачуваме да го растворате во други масла - најдобро во маслиново масло. Интересно кај маслото од рузмарин е дека помага при предвремено белеење на косата.

Направете си маска за сува коса со 1 авокадо, 15 капки масло од рузмарин и 2 лажици кокосово масло. Нанесете на скалпот и по должината на косата. Оставете 30 минути и исплакнете. Правете го третманот еднаш на 2 недели.

Масло од јојоба

Маслото од јојоба е богато со витамини А, Е и D. Тоа е меѓу маслата, погодни за секаков тип коса. Маслото од јојоба можете да го користите ако сакате да го засилите растот на косата. Едноставно нанесете на скалпот еднаш на 2 недели. Оставете го на главата 20 минути и измијте.

Масло од авокадо

Користете масло од авокадо, ако имате многу оштетена коса. Ако сте претерале со фигарото и пеглата, 1-месечна терапија со масло од авокадо ќе ви го врати свежиот изглед на косата. Маслото од авокадо спречува нерамномерност на косата. Богато е со витамини А, Е, Б6 и D.

Направете си лесна маска за потхранување на косата со 1 јајце, 1/2 лажици мед, 1 лажица масло од авокадо и 1 лажица маслиново масло. Нанесете на косата и оставете 10 минути. Измијте ја со шампон и млака вода.

Масло од калинка

За да ја заштитите косата во текот на летото, нанесувајте масло од калинка. Природното масло од калинка е богато со витамин Ц, В5, железо и калиум. Освен што формира филм околу влакното, маслото од калинка и додава гламур на косата. Единствено негативно на маслото од калинка е што е доста скапо.