/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Со гладување само го упропастувате метаболизмот. А за да не се случи тоа значи треба да се јаде. Потребни се мали, квалитетни  и чести оброци.                                                                                                                                                                       

Човечкиот организам е составен од исти материи како и нашата храна. На телото му е потребна здрава и точна исхрана и точен внес на енергија  за да можеме да се чувствуваме добро. Потребите на храна варираат од човек до човек и зависат од годините,  полот, здравствената ситуација и уште многу други фактори.

За одржување на добро расположение, активност, креативност, а посебно здравје, неопходно е да се воспостави идеална телесна тежина.

Оптимална тежина – идеалната тежина пред се се одржува со правилна исхрана, со помалку калории, а повеке хранливи материи  во комбинација со третмани за слабеење кои ќе помогнат во разградувањето на целулитот и намалување на обемот на телото, подобро речено ќе помогнат во преобликување на Вашето тело и губење на таканаречениот изглед  - “кора од портокал”.     

Храната треба да се зема свесно во  умерени количини, онолку колку што му е потребно на самото тело, без додатно  натрупување. Потребно е земање на доволни количини вода, чај или природни сокови , за да може организмот постојано да ја  има потребната количина течности  во ќелиите.

Би Ви препорачала вишокот на килограми да ги симнувате постепено и да си дадете реална цел кон која ќе се стремите, а не диети од типот две јаболка и парче леб на ден и за месец дена ке бидете како модел од Викторија Сикрет. Тоа се бесмислици кои немаат траен ефект и  само доведуваат до моментално губење на тежината и изгладнување на организмот. И нормално после тоа следува враќање на тежината, па дури и добивање на прекумерни килограми - познатиот јо-јо ефект .                                                                                                                                                                                                                   Диетите кои содржат помалку од 800 калории дневно  можат да предизвикаат сериозни последици врз Вашето здравје:хормонско пореметување, неплодност, губење на косата, промена на кожата, камен во бубрезите и уште многу други последици. Исто така недостатокот на храна влијае и врз нервниот систем и мозочните ќелии, што може да доведе и до сериозни психолошки пореметувања посебно кај младите.

Ќе Ви претставам табела каде што е изразен потребниот внес на калории за умерено активните жени:

                                                                                                                                                             Старосна граница:               дневен внес на калории                                                                                                                                                                                      

    11 – 14 години                               2.400                                       

    15 – 22 години                               2.100                                                                                                                                                                   

    23 – 50 години                               2.000                                                                                                                                                                     

    51 па нагоре                                 1.800

Општиот позитивен став за самите себе и позитивната мисла само допринесуваат за постигнување на побрзи резултати.