/11 /11

За важноста на појадокот многу често се зборувало, уште од мали нозе вашите баби и дедовци ви кажувале дека треба да појадувате како крал, а да вечерате како просјак. Оваа поговорка и ден денес важи, појадокот му дава енергија и го активира организмот, така да можете да функционирате одлично во текот на целиот ден. Додека пак, вечерата треба да биде лесна и мала, за да не му смета на желудникот и да ви овозможи убав сон.

Сепак, овој пат сакаме да укажеме на важноста на појадокот од друга страна, односно важноста на доручекот кај децата. Според истражувањето што било направено во Универзитетот во Пенсилванија децата кои редовно го практикуваат појадокот имаат поголем коефициент на интелигенција од оние кои често го прескокнуваат. Научниците направиле испитување на 1 000 деца на шест годишна возраст во Кина. Тие внимателно набљудувале две контролни групи, едната редовно го практикувала појадокот додека другата често го прескокнувала, а тие ги набљудувале сите физички и психички промени на двете групи на деца. 

Според научниците кои го воделе истражувањето, појадокот е особено важен во детската возраст кога детето расте се развива и се оформува. Но, освен тоа редовното практикување на појадокот на децата создава една важна здрава навика кај нив. Доколку од деца се навикнат редовно да појадуваат целиот живот ќе ја практикуваат таа навика и ќе превенираат многу болести во текот на животот - велат научниците.

Појадокот е гориво за мозокот,  не само за децата и за повозрасните. Појадокот може да превенира појава на многу болести и кај децата и кај возрасните, затоа никогаш немојте да го пропуштате појадокот, бидејќи една стара поговорка вели кој го пропушта појадокот го пропушта и здравјето.