/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Инхалациите ни се добро познати на повеќето од нас уште од детските ни години. Ова сепак не значи дека денес тие се заборавени. Овој универзален метод за лекување продолжува да биде претпочитан во борбата со кашлицата и течење на носот, а причината за тоа е многу едноставна - пареата напаѓа точно каде што треба, без да има несакани ефекти како антибиотиците.

За да ја ублажите кашлицата, можете да направите инхалација со мешавина од една лажица невен, една лажица камилица и една лажица кантарион. Ставете ја смесата во длабока чинија и прелијте ја со три кафени чаши топла вода. Внимателно застанете над садот со течност и покријте ја главата со крпа. Започнете да вдишувате и издишувате преку устата, за пареата да стигне до проблематичните зони. Потоа седнете и одморете.

Исто така можете да направите инхалација со вода и етерично масло. Истурете топла вода во сад и ставете 4-5 капки масло од босилек. Ако не можете да најдете такво, заменете го со масло од чајно дрво. Застанете над садот со водата и направете инхалации, а потоа одморете.

Обидете се и со инхалација со чај од липа. Прелијте една лажица чај од липа со една чаша топла вода. Застанете над садот со течноста и отворете ја устата. Вдишувајте и издишувајте, па оставете ја пареата да ја заврши работата. По 2-3 минути запрете и одморете некое време.

Инхалација може да се направи и со смеса од една лажица оригано и една лажица мајчина душица.

Кога правите инхалации, треба да имате предвид некои факти. Секоја постапка се прави околу 60-90 минути после јадење, а  нејзиното времетраење може да биде помеѓу 2 и 8 минути. За време на сеанса болниот треба да е концентриран во настојувањето и да не го одвлекува вниманието со разговори, бидејќи ненамерно може да се изгори.

Добро е во текот на постапката да ги држите очите затворени. По инхалациите не смеат да се пијат пијалоци  барем еден час. Пожелно е исто така во тоа време болниот да не зборува. Инхалации можат да се прават 2 пати дневно барем неколку дена.