/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Мојот син не е многу разговорлив.

Тој прво размислува, а потоа влегува во акција.

Не му е неопходно да зборува.

Повеќе е тивок, силен човек, ако ме разбирате?

Мене не ми пречи тоа што малку зборува. Му велам дека тоа мене ми е ОК.

Не мора да биде говорник...но мора да комуницира.

Не за мое добро, туку за доброто на неговите пријателства и врски. Бидејќи дури и на 12-годишна возраст, овој млад човек се надева дека ќе се ожени и дека ќе формира семејство еден ден.

Исто како татко му.

А бракот бара комуникација.

Родителството бара комуникација.

Другарството бара комуникација.

И знаете што открив? Дека најдобро функционира ако му ги поставам овие прашања:

1. Кој е досега најубавиот ден од твојот живот?
2. Кој беше најнеубавиот ден од твојот живот...и зошто?
3. Ако можеш да избереш што да ти подготвам за ручек, што би избрал?
4. На која планина сакаш да се искачиш?
5. Што најмногу ти се допаѓа кај татко ти?
6. Каков вид на музика те раздвижува?
7. Кој ти е најубав стих од песна? И зошто баш тој?
8. Кои работи, кои ги прави сестра ти, те фрустрираат и обесхрабруваат?
9. Дали брат ти ти помага кога имаш проблем?
10. Што мислиш дека сакаш да работиш, кога ќе пораснеш?
11. Зошто тој филм, песна...те вознемирува?
12. Што е најдоброто нешто во нашето семејство?
13. Со оглед дека си средно дете во семејството, што ти е најтешко?
14. Какви работи на овој свет те нервираат? И дали сакаш да ги поправиш?
15. Опиши еден совршен за тебе ден.
16. Кои се твоите 3 најубави филмови? И зошто?
17. Во која вештина сакаш да бидеш најдобар? Што можеме да направиме за да ти помогнеме?
18. Кои нешта те расплакуваат?
19. Каков карактер кај другарите почитуваш?
20. Што посакуваш да разбирам подобро, кофга се работи за тебе?
21. Дали знаеш колку многу те сакам?

Јас ги поставив овие прашања и очекував одговори со отворено срце.

Бидејќи кога најстариот син го напушти домот и замина на факултет, го прашав која е најубавата работа која за него сум ја направила, како мајка?

Рече дека секогаш сум била тука да го ислушам.

Не сакам никогаш да го заборавам тоа.

Заради тоа прашајте го синот што има на срцето? За што размислува?

Потоа слушајте што ќе ви каже?

Комуницирајте и изградете блиски врски.

Му требаш на синот мамичке.

Понекогаш дури и повеќе отколку што ќе ти каже.