/11 /11

Нема да можете да останете рамнодушни на фотографијата и текстот на Шана Нихаус, мајка на 5-годишно аутистично дете. Во него таа раскажува колку многу ? се променил животот откако нејзиниот син добил сертифицирано куче за терапија.

Шана вели дека поради аутизмот таа не може слободно да му се доближи на своето малечко, да го прегрне и да го искапи, како и дека тоа нема пријатели, затоа што му е тешко да изгради однос со нив. Затоа, моментот кога го видела синот како слободно лежи врз своето куче Торнадо бил толку емотивен за неа. Тоа бил момент кој ја уверил дека во иднина сè ќе биде во ред.

Мајката ја споделила својата приказна, бидејќи премногу луѓе не знаат за позитивниот ефект кој кучињата го имаат врз децата со аутизам, но најверојатно не очекувала дека постот ќе стане вирален хит на социјалните мрежи.

„Не знам зошто, но луѓето сè уште нè прашуваат зошто понекогаш им даваме кучиња за терапија на децата. Дозволете ми да ви помогнам да сфатите преку мајка која го знае тоа од прва рака“ – пишува на сајтот на „4 Pows For Ability“, организација која тренира кучиња за да им помагаат на деца со специјални потреби.

Текстот се рашири онлајн, многу други мајки споделија фотографии од своите деца со посебни потреби, заедно со нивните најдобри пријатели – кучињата. Еве дел од коментарите:

„Кучето му даде на мојот син зборови... Големи прегратки за оваа мајка. Ние се молевме за овој момент и Бог ни испрати куче.“

„Ова е мојот 11-годишен син (од аутистичниот спектар) и неговиот најдобар пријател Елиот. Син ми ретко спиеше навечер додека овој голем воин не пристигна во неговиот живот.“