/11 /11

Собни врати: Изберете ги совршените внатрешни врати за вашиот дом со помош на овие 5 факти

Огромен дел на луѓе трошат премногу од своето време и енергија барајќи собни врати кои ќе им одговараат на стилот на нивниот дом. 

Во предвид мора да се земат цените на собните врати, нивниот оков, квалитет, боја и најважно — дали ќе се вклопат во вашиот ентериер баш како што вие замислувате.

Иако одлуката никогаш нема да биде лесна, ние сепак решивме да ви дадеме неколку совети со помош на кои избирањето на внатрешни врати ќе биде полесен процес.

5 Факти на кои треба да посветите внимание при избирање на внатрешни врати

Тргнувајќи од оков па се до боја, кваки и квалитет на самите собни врати, има премногу варијабли кои мора да ги земете во предвид.

Материјал на собни врати

Првото нешто на кои што мора да посветите внимание е од каков материјал е направена внатрешната врата — и каков материјал преферирате вие.

Дрво:

Првиот материјал на кој секогаш помислуваме е дрво. И не е ни чудно, дрвените врати може да имаат шари и боја каква што сакате вие и можат да се вклопат буквално во секаков вид на ентериер. Плус, дрвените врати се доста издржливи и може да ви траат долго време.

Медијапан:

Медијапанот е уште една фантастична опција што треба да ја имате во предвид. На некој начин овие врати се поисплатливи од дрвените и се мазни, без несовршености. Тоа многу помага при бојадисување и дизајн и никогаш нема да има проблем со природни пукнатини или оштетувања.

Боја на внатрешните врати

Се разбира, бојата на вратите кои ќе бидат монтирани во вашиот дом ќе има огромен ефект на целокупниот изглед на вашиот ентериер.

Иако нема еден универзален одговор (освен тоа дека не треба да купите зелени врати), бојата не треба да претставува голем проблем затоа што секогаш може да ја обоите вашата врата како што ви одговара. Иако тоа не го препорачуваме.

Собни врати цени

Една од најважните работи е цената. Дали барате евтини собни врати или имате средства да си дозволите нешто поексклузивно? Поради тоа што ова е производ кој не го менувате секоја година, препорачуваме да изберете поскапи внатрешни врати затоа што ќе ви траат подолго.

Детали на собни врати (шара, квака, брава, итн)

Деталите како кваки и брава се најчесно во втор план, но мора да знаете дека изборот на овие неколку елементи е еднакво важен колку и самиот материјал на вратата која сакате да ја купите.

Не е логично да платите скапа, италијанска врата со кинески кваки кои ќе ви ги разбудуваат соседите секој пат кога ќе ја отворите, нели?

Еднакво многу важно е дали сакате таа врата да се заклучува или не.

Лизгачки внатрешни врати

Според просторот во вашиот дом, можете исто да размислите за купување на лизгачки собни врати. Иако ова би ве чинело доста поскапо, оваа одлука може многу да влијае во ергономијата и самиот изглед на вашиот дом.

Голем дел од фирмите во Македонија кои продаваат собни врати немаат производ кој е баш наменет за тоа, така што се исплаќа да ги прашате дали може обичните врати кои ги продаваат да ги преработат за таа намена и да им постават механизам.

Заклучок

Иако овој текст не навлегува во премногу детали, се надеваме дека барем малку ви помогнавме како да ја изберете совршената собна врата за вашата куќа или стан.

Најважно од се е производот кој ќе го изберете да ви се допаѓа вас и природно да се вклопува во вашиот ентериер.