/11 /11

Преработувањето на храната во желудникот трае 1 до 5 часа, во зависност од видот на храната. Лесно сварливата храна се преработува од 1-3 часа (ориз, овошје, поголемиот дел од зеленчукот, млеко, јајца), додека за да се свари лебот, варениот компир, млечните производи, месото и рибата, потребни се од 3 до 5 часа.                                                                                                                                           

Храната која не е целосно разградена во организмот многу е потешко да се исфрли, што доведува до успорување на метаболизмот, дебелеење и создавање на токсини. Основен клуч за здрав организам и одржување на оптималната тежина всушност е редовно исфрлање и ослободување од токсичните отпадни материи. За да се постигне тоа потребно е организмот да го прилагодиме според биолошкиот процес на функционирање:                                                                                                                                                                                                       

1.внесување на храна во организмот и нејзина апсорпција-се одвива од пладне до 8 часот на вечер                                                                    

2.асимилација, односно апсорпција и искористување на хранливите материи се одвива од 8 часот на вечер до 4 часот изутрина                                                                                                                                                                                                                  3.елиминација односно исфрлање на отпадните материи од телото се одвива од 4 часот изутрина до пладне .   

Посебна биолошка вредност на овошјето                                                                                                                                      

Се смета дека овошјето е највредната храна која може да се внесе во организмот, затоа што содржи идеална рамнотежа не 5-те елементи што се важен фактор за правилно и здраво функционирање на организмот : 90% глукоза, 4-5% аминокиселини, 3-4% минерали, 1% масни киселини, 1% витамини. Поради тоа, за разградување на овошјето не е потребна дополнителна енергија, што значи организмот штеди енергија која се искористува за прочистување. Кога зборуваме за овошје мислиме на свежо овошје затоа што  поради својата специфична природа, вареното и преработеното овошје ги губат споменатите својства и доведуваат до киселост во организмот.                                                                                                                                                                         

Во периодот на конзумирање на храна се препорачува овошјето и соковите да се конзумираат 30 мин пред  која и да било друга храна, за да не дојде до мешање на храната во желудникот. Мешањето на овошјето со другата храна доведува до ферментација, со која се губат хранливите материи и се отежнува и успорува метаболизмот. После 10 минути од земањето на сокови може да се продолжи со свежа салата, а после тоа со правилно комбинирана храна. Неправилно комбинираната храна доведува до пореметување во процесот на асимилација и елиминација. Кога храната е правилно искомбинирана организмот може целосно да ја искористи, да ја разгради, апсорбира и да ги искористи сите хранливи материи.