/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Мајките често сакаат нивната ќерка да биде совршена. Тежнеат кон тоа ќерката да има подобри оцени, квалитетни пријатели, повеќе вон наставни активности и уште многу друго. Променете го тоа.Тргнете од тоа што веќе го имате, а не од тоа што недостасува – и зборувајте за тоа што е најдобро за неа.

Излезете од рамката

Излезете од  рамката и немојте, кога е Вашата ќерка во прашање, да ја поттикнувате само интелегенцијата (или физичкиот изглед). Битни се и многу други работи: меѓучовечките вештини, нејзините интереси, идеи, мотивација, емпатија...Се тоа се одлики на квалитетна личност.

Можеби е тешко во нашата култура, но е изведливо

Да се одгледа девојка со голема самодоверба  во денешно време, е тежок предизвик. На Балканот сеуште постои размислувањето дека жените се за в кујната и за гледање на децата.

Постојат неколку начини како да се поттикне нејзината самодоверба и како да и помогнете да изгради силна личност која ќе се спротивстави на таквте предрасуди:

• Поттикнете ја ќерката да ги изразува своите емоции и да не чувствува страв да проговори и да го каже своето мислење
• поттикнете ги тие млади жени да не се втопат и да се борат против улогата која денес во општеството ни е наметната.
• разговарајте со својата ќерка за нејзината вредност и за тоа какво мислење има за самата себе.
• бидете медиски критичар – со ќерката разговарајте за некои прикажувања на телевизија, во весниците, на интернет и за тоа како се одразува на генералниот став за жената.
• на Вашата ќерка многу ќе и помогне ако во куќата имате маж кој верува дека се жените еднакви со мажите во секој поглед.
• запомнете дека децата учат со имитирање. Како родител бидете позитивен пример со своите ставови и однесување. Покажете и ја својата самодоверба и сочувство и научете ја како се решаваат конфликтите на мирен начин со обостран дијалог.

Не ги заборавајте основите

И за крај, во текот на воспитувањето немојте да заборавите на основните вештини кои ќе помогнат Вашата ќерка да израсне во зрела, квалитетна и силна личност, полна со самодоверба:

Контакт со очи – многу важна вештина која се занемарува во раната возраст. Научете ја својата ќерка кога разговара со некој друг да го гледа во очи, посебно ако е во прашање возрасна личност.

Авторитет – дајте и до знаење дека е потполно во ред да го каже своето мислење и да дава идеи и предлози кога е во група.

Поддршка – секогаш зборувајте и дека верувате во неа, бидејќи на децата им треба охрабрување и пофалба.  Дозволете и да прави грешки и да учи од нив и поттикнете ја следниот пат да го исправи тоа во што згрешила.