/11 /11

Посетата на Дедо Мраз за сликање со него е семејна традиција во многу семејства, која се протега низ генерации. Но дали треба да се принудуваат децата да седнат, по секоја цена, во неговиот скут?

Во големите трговски центри, долги редови убаво облечени деца чекаат на ред за да добијат шанса да му кажат на Дедо Мраз што сакаат за Нова Година. Кога конечно ќе стигнат до него, пред нивните очи е странец со голема бела брада, а како награда за чекањето се добива фотографија и лижалче бастун.

Фрустрирачки, навистина.  Но зошто толку родители сакаат да ги сликаат своите деца со Дедо Мраз, особено ако децата чувствуваат страв? Дали тоа е во спротивност на лекциите, на кои ги учиме децата, да бегаат понастрана од странци?

Освен тоа, ги учиме децата, да кажат НЕ ако не се чувствуваат безбедно во нешто. Ова значи дека не треба да седнуваат во ничиј скут, вклучувајќи ги и членовите на семејството, ако не сакаат. Па зошто тогаш да ги присилуваме да седнат во скутот на непознат човек, облечен како Дедо Мраз?

Hetty Johnston од адвокатската група за заштита на децата "Brave hearts", го покрена ова прашање во изјавата испратена до сите трговски центри:

Таа советуваше дека сопствениците на трговските центри треба да ги надградат своите механизми за заштита на децата и укажа на тоа дека децата треба да седнат во скутот на Дедо Мраз, единствено по нивна желба.

Директивата ќе биде децата да стојат покрај Дедо Мраз, освен ако не бараат да седнат во неговиот скут. Трговските центри имаат должност да се грижат за заштита на правата на децата во нивните простории.

Ова не е за да се уништи забавата на децата пред Нова Година, ова е за децата да не примаат контроверзни пораки и за истакнување на нивното право да кажат НЕ и да се чувствуваат безбедно. Ние не сме против децата да седат во скутот на Дедо Мраз или да добијат прегратка од него, ние сме против децата да бидат принудени на тоа.

Совети за одлична слика со Дедо Мраз

Вашето семејство можеби пеело за доаѓањето на Дедо Мраз  во градот со недели и вашето дете можеби има подготвен список на желби за Дедо Мраз. Но тоа не е гаранција дека вашиот син или ќерка со насмевка ќе го дочека Дедо Мраз. Ова се неколку предлози за да имате најголеми шанси да направите прекрасна слика со Дедо Мраз.

-          Однесете го детето на сликање во трговскиот центар, кога е помирно. Во почетокот на сезоната е најдобро, или рано наутро во викенд.

-          Не дозволувајте никому да го земе вашето дете и да го стави во скутот на Дедо Мраз. За децата е доволно тешко и ако вие ги ставите во скутот на Дедо Мраз.

-          Земете некои новогодишни реквизити. Можеби токму тие ќе го одвлечат вниманието на детето.

-          Бидете смирени. Не се лутете ако детето не сака да седне во скутот на Дедо Мраз за сликање.

-          Не се разочарувајте. Запомнете дека следната година детето ќе биде постаро и помалку ќе се плаши од Дедо Мраз.