/11 /11

Модерниот животен стил носи толку стрес  што стравовите, анксиозноста, грижите и проблемите ги носиме  со себе и навечер во кревет.Сметките кои мора да ги платиме, роковите на проектите, незадоволството од љубовниот живот, несигурноста и долговите се само некои од стравовите кои предизвикуваат емотивен и психолошки стрес. Меѓутоа нашето тело постојано е изложено  и на физички стрес. Загадувањето, нездравата исхрана, премногу задолженија и работни активности постојано  не  исцрпуваат и нашето тело константно е уморно. Сето тоа влијае врз квалитетот на сонот, а лош сон  внесува дополнителен стрес во нашиот живот, па често знаеме да влеземе во маѓепсан круг на умор и на притисок. Поради тоа нужно  е да научите да се ослободите од грижите и од оптоварувањата пред да заспиете.

МИСЛЕТЕ НА УБАВИ НЕШТА

Во текот на сонот нашето тело закрепнува и зацелува. Ако треба да се погрижите  за нешто, грижете се за тоа неколку часа пред да си легнете. Еден час пред да отидете во кревет посветете се на отпуштање и на размислување за среќните моменти од својот живот. Размислувајте за успесите и за достигнувањата што сте ги направиле во текот на денот и за сета убавина што ви се случила.

КОМЕДИИ И ЛЕСНИ СЕРИИ

Пред спиење гледајте комедии  и  лесни серии. Избегнувајте вести, трилери и сл. Вестите се вообичаено депресивни, па не е добро  за Вашето здравје да ги гледате непосредно пред спиење. Комедиите ќе ве насмејат и ќе ја извлечат позитивноста од вас.

МУЗИКА, МЕДИТАЦИЈА

Слушајте нежна музика, читајте, медитирајте или помолете се кога ќе легнете во кревет. Тоа е добар начин за вовлекување позитивни мисли во својот мозок.

БЕЗ СВЕТЛИНА

Можеби е проблем во светлината. Избегнувајте силно осветлување пред спиење, а може да помогне и замрачувањето на прозорците во тек на ноќта доколку од надвор ви доаѓа некаква светлина.

СООДВЕТНА ТЕМПЕРАТУРА

Опкружувањето нека ви биде пријатно. Вашата спална соба треба да биде топла за да заспиете, но нешто поладна температура во тек на ноќта помага за подобар сон.