/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Костенот ја прочистува крвта, го зајакнува имунитетот и дава многу енергија бидејќи содржи многу јаглени хидрати, белковини, шеќери, масти и целулоза. Може да се каже дека моќните плодови на костените се природен извор на енергија и здравје, посебно во студените зимски денови.  Исто така, богати се со витамин Ц, што е еднакво концентриран колку и во лимоните.

Зошто треба да јадеме костени?

Костенот има ниско ниво на калории и масти, а е богат со минерали, витамини и фитонутриенти (чудотворен антиоксиданс). Со самото тоа што костените се богати со витаминот Ц, ги прави одличен избор за закрепнување на имунитетот.
Калциумот и фосфорот во костените помагаат за закрепнување на нервниот систем, ги зајакнуваат коските и ја подобруваат работата на срцето. Костените содржат и високо ниво на протеин, големо количество на манган и калиум.

Стотина грама печени костени имаат околу 245 калории, па затоа ги нарекуваме плодови со висока енергетска вредност. Интересно е тоа што калориската вредност се дуплира со неговата термичка обработка, а се зголемува и количината на белковината и јагленохидратите во плодот.

Повеќе од 40% од костенот содржи скроб, поради што е погоден за подготвување на пире, супа и други слатки и солени јадења. Со оглед на тоа дека не содржи глутен, се препорачува на луѓето кои боледуваат од целијачна болест (нетолеранција на глутен).

Костените се извор на прехранбени влакна, кој го намалува лошиот холестерол во крвта и ја поттикнува работата на цревата.

Осумдесет грама костени дневно, задоволува петина од потребата за бакар, минерал кој ги засилува коските, помага во произведувањето на црвени крвни зрна, го подобрува работењето на нервите и го засилува имунитетот.