/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Прва година

Опуштена личност која со љубов ќе го одгледува бебето. Треба да ужива во тоа да го нишка, гали и на секои три часа да го пресоблекува, а потоа трпеливо да го држи и храни дваесетина минути. Треба рано да станува и лесно да се разбудува. Да работи во сите смени и да нема можност за напредување.

Втора и трета година

Спортски тип, во добра форма, со одлични рефлекси. Потребна е голема енергија и бескрајно трпение. Неопходно е познавање на брза помош. Работниот ден трае 15 часа – без паузи за ручек и кафе (освен ако детето спие). Потребна е голема концентрација за извршување на работните обврски во стресни услови. Предност: возачка дозвола.

Четврта, петта и шеста година

Експерт во подучување мали деца, кој ќе обезбеди креативен амбиент за учење, полн со љубов, прилагоден на предшколска возраст. Пожелно е искуство во подучување уметност, музика, спорт. Задолжително е познавање барем на еден странски јазик. Предности: познавање на детската психологија, лингвистика и Монтесори метод.

Од седма до дванаесетта година

Можност на стручњаците за спорт и рекреација. Улогата треба да се извршува во работната соба. Прифатливи спортови се одбојка, кошарка и фудбал. Неопходни комуникациски вештини заради излегување на крај со учителите, наставниците и другите родители. Подготвеност за разговор за секс и вештини во решавање на задачи, се подразбира. Приговори во однос на кал во сите соби, расфрлана облека на сите страни и целодневно присуство на деца, не се прифатливи.

Од тринаесетта до петнаесетта година

Специјалист за адолесцентна психологија и искуство за подготвување на големи количини храна. Наглувост – пожелна. Толеранција – неопходна. Тактичност, односно способност за регистрирање на моментот кога е најдобро да се исчезне – нужна.

Осумнаесетта година

Финансиер кој ќе обезбедува пари, облека, а по можност и автомобил. Совети – непотребни. Работа на неодредено време. Кандидатот има доволно слободно време, па може да си најде и друга работа која ќе носи дополнителни приходи.