Рингераја бебенца во 2010 година

/21 /11

Заедно бевме цела година, се радувавме на шеесет и трите  родени бебенца, ги

сплотивме сите корисници на Рингераја на Балканот и го дадовме својот глас за Јања да

стане мајка,собиравме училишен прибор за децата од домот без родители, собиравме

средства за лекување на Марко, Јован и Кристијан, ги прераскажавме своите породилни

искуства, започнавме да одделуваме парче од својата душа и да го пишуваме својот

виртуелен дневник, игравме на свадбата на амелбебе, добивме 6900 обожаватели на

нашата страница на фејсбук, другарувавме во Скопје, Битола, Прилеп и Дојран.

Се радувавме на секое ново запче, се радувавме на првиот збор, првата насмевка на

нашите дечиња, громогласно навивавме за рингерајките кои очекуваат две цртички,

бевме поткрепа на рингерајките кои раѓаат, се смеевме на секој бисер на нашите

свекрви, плачевме за секое неуспешно ин-витро, се радувавме на секоја нова бременост

добивме многу нови корисници и го зголемивме нашето семејство, бевме сплотени како

една во годината која минува, заеднички ни беа и тагата и среќата и радоста и маката...

Да, тоа сме ние, жителите на прекрасната земја Рингераја !!!