/11 /11

Сите ние имаме една идеалистичка претстава за љубовта со единствена срошна душа, но водиме ли сметка што значат овие термини?

Многу луѓе не размислуваат реално за тоа што е сродна душа. Еве ги и најраспространетите митови за неа, за кои сите мислат дека се точни. А не се.

Врските со сродните души лесни се одржуваат

Врските не се секогаш лесни, да не кажеме речиси никогаш. Зошто сме способни секојдневно да се трудиме да работа и да вложуваме голем напор за да ја заработиме месечната плата, а кога станува збор за љубовта да не вложуваме ништо? Тоа е многу наивно.

Сите врски одземаат време, енергија, работа, посветеност и одлучност. Ако сакате и Вашиот партнер да Ви стане сродна душа, ќе треба да поминувате повеќе време со него, да работите на комуникацијата, да станете заинтересирани и да се научите да правите компромиси.

Сродните души немаат конфликти

Оваа изјава е најдалеку од вистината. Секоја врска без конфликт е како врска меѓу двајца мртовци. Вие сте човек, тој/таа е човек и природно е да сте различни персони. Како е воопшто можно да немате конфликти? Клучот е да умеете да се справите со нив.

Конфликтите можат да бидат здрави, бидејќи ја наведуваат двојката да погледне во своите разлики и да се обиде да ја разбере перспективата на другиот. Конфликтите ќе Ве натераат да погледнете кон себе, да ги преиспитате сопствените ставови и вредности и да почнете да комуницирате по зрело. Каде што има кавга – има и љубов.

Сродните души пливаат во романтика

Реалните живот не е љубовен филм. Факт е дека во почетокот кога хормоните беснеат, се е исполнето со љубов и страст, но тоа е краткотрајно. Потоа хемиските процеси во организмот се нормализираат и почнуваме да мислиме дека тоа не е вистинска љубов и да се разочараме.

Не треба да ја споредуваме реалноста со романтиката која постојано ни се наметнува на екранот, или на страниците од книгите и списанијата. Што воопшто претставува романтиката? Бомбони, цвеќиња и розеви свеќи? Тоа се само клишеа. Секој човек е различен романтичар.

Сродните души мислат исто

Без разлика колку сакаме ова да е вистина – ние не делиме еден ист мозок. Многу мажи и жени сметаат дека ако сте “вистински сродни души” треба да сте едно и треба да мислите и да се чувствувате како еден човек, како да имате ист вкус, стремежи, идеали...

Тоа не е вистина. Да, се разбира дека убедувањата на сродните души се горе-долу исти, сепак се тие различни луѓе.

Сродните души се надополнуваат, а не се апсорбираат една во друга.

Сродните души немаат меѓусебни тајни

Изненадувачки многу луѓе се растројуваат до краен степен кога ќе дознаат дека партнерот не споделува се со нив, а би требало.

Е да, убаво е да сте чесни едни кон други, но исто така е убаво и да се почитуваат чувствата на другиот. Вашиот партнер воопшто не е должен да Ви дава отчет на сите мисли зошто на крајот секој има право на свое лично пространство, дури и ментално.

Некои работи остануваат приватни и ние немаме право да ровариме во нив.

Вашата сродна душа е можеби покрај Вас. Завртете се.