/11 /11

Избегнувањето на конзумирање на овошје и зеленчук кои се најмногу третирани со пестициди, е чекор до поздрав живот. Купувањето на органски производи денес е скоро невозможно, бидејќи такви производи скоро и да не се достапни на нашите пазари.

Шведските научници докажаа дека инсектицидите, фингицидите и регулаторите за раст на билките можат да се акумилираат во телото на децата и возрасните.

Меѓутоа, ако само две седмици не внесуваме во организмот храна која е загадена со пестициди, нивото на овие токсини во нашето тело паѓа на нула.

Најтретирани овошја и зеленчуци, на кои најмногу треба да се внимава при миењето се:

Јагоди

Јаболка

Кајсии

Праски

Целер

Грозје

Цреши

Спанаќ

Домати

Чери домати

Краставици

Пиперки бабури

Тестирањето на поединечни врсти јагоди покажало дека се прскани дури со 17 различни пестициди, додека грозјето и пиперките со 15 врсти пестициди.

Доколку не сте во можност да јадете органска храна, или сами да ја произведувате истата, ви препорачуваме 4 начини врз основа на кои можете да ги измиете овошјето и зеленчукот од пестициди.

Миење со ладна вода

Истражувањата покажале дека 70-80% од пестицидите може да се отстранат од овошјето и зеленчукот само со ладна вода. Битно е добро да го триете овошјето и зеленчукот под млаз ладна вода. Исто така мора да обрнете внимание на пукнатините и добро да ги измиете (на пример јаболкото околу дршката), бидејќи тука најмногу се задржуваат пестициди.

За да се отстранат пестицидите од овошјето и зеленчукот, мијте ги најмалку 30 секунди под млаз вода.

Раствор од сол и вода

Во 4 чаши топла вода растворете две лажици сол. Во тој раствор ставете го овошјето/зеленчукот и оставете го да отстои 30 минути. После тоа измијте ги со млаз ладна вода. Овој раствор може да ги уништи јагодите па не се препорачува за нив.

Раствор од вода и киселина

Во сад ставете вода и киселина во сразмер 2:1. Во тој раствор ставете го овошјето/зеленчукот и оставете го да отстои 30 минути. Потоа измијте го под млаз ладна вода.

Домашен спреј

Во распрскувач ставете една чаша вода, 2 лажици киселина и 1 лажица сок од лимон. Испрскајте го овошјето/зеленчукот, почекајте 30 секунди, па измијте го под млаз ладна вода.

Истражувањата покажаа дека е најдобро лупење на овошјето/зеленчукот (ако е тоа можно). На пиперките и доматите отсечете им ги оние делови околу дршката.