/11 /11

Не-мајката не ги слуша советите на комшивките, свекрвата, золвите и  останатите сезнајки, кои се убедени дека знаат повеќе од докторите.

Не-мајката не го држи своето дете по цел ден во раце, понекогаш малку си се посветува и себеси.

Кај не-мајката куќата секогаш не е цакум-пакум. Секогаш има некаде некој хаос.

Не-мајката не го форсира своето дете да седи на три месеци, да прооди на шест месеци, само за таа да може да се пофали на Фејсбук.

Не-мајката не знае што е најдобро за нејзиното дете, бидејќи не студирала медицина 12 години.

Не-мајката не гугла совети на надрилекари по интернет. Кога е загрижена  го носи детето на лекар и не му дава да пие белило.

Не-мајката го вакцинира своето дете, бидејќи не сака да се вратат искоренетите смртоносни болести.

Не-мајката не го храни своето бебе со плазма и смоки, иако овие продукти се сметаат за исклучително здрави, хранливи и битни за телесното и менталното здравје на детето.

Не-мајката не го прејадува своето дете навечер со споменатата Плазма со млеко, за тоа да ја преспие цела ноќ.

Не-мајката е табела мама, односно таа на своето бебе му воведува нови продукти по препорака на стручњак, а не кога таа ќе смета дека е време, или по препорака на бабите од комшии.

Таа не му дава на своето бебе ништо на своја рака (нов продукт или лек), па кажува дека “ништо не му фали”.

Не-мајката не го држи своето бебе во пелени до 4 години, бидејќи нејзе и е така полесно.