Со правилна зимска нега и соодветни навики, кожата може да остане хидрирана, еластична и здрава дури и во најстудените месеци.

/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Без разлика дали имаш сува, мрсна или чувствителна кожа, зимската нега бара поинаков пристап од оној во потоплите месеци.

Зошто кожата страда во зима?

Во текот на зимата:

• Лачењето на природни масла се намалува.
• Студот ја нарушува заштитната бариера на кожата.
• Грејните тела го сушат воздухот во затворени простории.
• Честите температурни разлики (внатре–надвор) ја иритираат кожата.

Резултатот е кожа која полесно губи влага и побавно се обновува.

1. Хидратацијата започнува одвнатре

Иако не чувствуваме жед како во лето, телото и кожата и понатаму имаат потреба од вода.

Затоа пиј доволно течности, вклучи чаеви и супи во исхраната, јади овошје и зеленчук богат со вода. Добро хидрираната кожа е поотпорна на надворешни влијанија.

2. Замени ја лесната крема со побогата формула

Зимата бара користење погусти креми, формули кои во себе содржат масла и липиди и производи што ја фиксираат влагата.

Користете производи со состојки како: шеа путер, сквалан, бадемово или арганово масло и керамиди.

3. Внимавај со користење на жешка вода

Долгите, жешки тушеви дополнително ја сушат кожата. Затоа при туширање користи млака вода, туширај се пократко, а веднаш по туширањето нанесувај крем додека кожата е малку влажна. Ова помага подобро да се задржи влагата.

4. Не ја прескокнувај заштитата за усни и раце

Усните и рацете први ја покажуваат зимската штета. Користи балсам за усни неколку пати дневно, заштитете ги рацете со ракавици кога сте надвор и нанесувај крем за раце пред спиење. Малите чекори прават голема разлика.

5. Кожата и понатаму има потреба од SPF

Иако сонцето е послабо, УВ-зраците се присутни и во зима, особено на снег. Затоа користи дневна крема со SPF особено ако си често на отворено. Ова е важно за заштита на кожата од предвремено стареење.

6. Намали со користење агресивни производи

Зимата не е време за да правите груби пилинзи, да користите алкохолни тонери и често да правите ексфолијации. Наместо тоа, избери нежни и смирувачки формули.

7. Навлажни го воздухот во просториите

Сувиот воздух од греењето ја извлекува влагата од кожата. Користи овлажнувач, ставај сад со вода близу радијатор и редовно проветрувај ги просториите.

Зимата не мора да значи сува и иритирана кожа. Со правилна нега, користење соодветни производи и малку внимание, можеш да ја зачуваш кожата мека, заштитена и здрава и во најстудените месеци.