/11 /11

Наша цел е преку здравствено едукативни мерки да се споделат основни совети за нашите сограѓани со чие спроведување би се постигнало зачувување и унапредување на оралното здравје, не само на поединци туку на колективното орално здравје на целата популација.

               Здравствено воспитната програма е систематско-стоматолошка-превентивна, профилактичко-тераписка работа од која се очекува следното:

1.            Стекнување со основни предзнаења за здравјето на забите и устата, како примарен сегмент од  дигестивниот систем;

2.            Мотивирање на нашите најмлади пациенти за редовни превентивни прегледи и подигнување на нивната здравствена свест на повисоко ниво;

3.            Зачувување и унапредување на оралното здравје кај населението со нивно поттикнување, мотивирање и самоволно ангажирање во заштитата на индивидуалното и колективното здравје на опшествениот систем;

4.            Запознавање со значењето на здравата исхрана;

5.            Стекнување основни хигенски и здравствени навики;

6.            Промена на лошите навики и лошите искуства од предходни посети на стоматолог;

7.            Стекнување на позитивни навики по системот на вреднување, афирмирање, самодоверба, и самодокажување;

8.            Обука за правилна и правовремена хигена на устата и забите;

9.            Презентација на можностите за пренатална (за време на бременост) и постнатална (после породување) флуор профилакса, како најмоќно досега откриено, докажано и употребувано средство за зачувување на интегритетот на денталните ткива;

10.          Итерпретација и запознавање со средствата за одржување на оралната хигиена (пр. четки за заби, пасти, интердентални стимулатори, интердентални четкици, дентални конци итн.)

11.          Градење одлична релација доктор-пациент, кој е од особена важност за помладата популација, кои претставуваат една високо вулнерабилна категорија на индивидуи во општествената заедница, бидејќи на таа возраст покажуваат особен афинитет за комуникација, прилагодување и соработка.

12.          Стекнување на довербата кај нашите клиенти, и наметнување на нашиот авторитет, но не како "сервис" на нивните орални проблеми, туку како чувари на нивната орална благосостојба;

13.          Интегрирана акција и интердисциплинарана соработка ( медиум-педијатар-гинеколог-стоматолог) во спроведување на здравственото воспитување;

Овај современ концепт е условен од факторите на опшествено-економскиот развој и развојот на стоматолошката наука како целина, од една страна, и од задачите и целите што се поставуваат пред оваа дисциплина од друга страна.

1.            Што се забите???

Забите се органи како и сите други органи во организмот на човекот. Нивната функција не е само да учествуваат во процесот на џвакање на  храната туку тие се составен дел од нормалната физиономија на лицето како многу важен естетски момент, но исто така учествуваат и во фонетиката односно говорот. Со оглед на бројните функции кои ги имаат забите, губењето и на еден заб во забната низа би значело нарушување на оралната рамнотежа и низа последици по преостанатите заби но и генерално по општото здравје. Меѓу другото кај луѓето со нарушено орално здравје се јавува еден социјално-економски-психолошки проблем.

•             Социјален проблем - бидејќи со губење на забите доаѓа до нарушување на изгледот, непријатен мирис од устата , намалена комуникација со околината.;

•             Економски проблем - бидејќи проблемите со забите носат и реперкусии по работната способност на индивидуата, бидејќи секоја болна состојба ја намалува способноста за извршување на работните обврски, губење работни денови и намалување на месечните придонеси, и трошоци за рехабилитирање на компромитираното забало и негово санирање;

•             Психолошки проблем  -  бидејќи кај луѓето со нарушено орално здравје настанува една интравертност односно повлекување во себе како еден синдром на намалена вредност во општеството;

•             Медицински проблем  -  бидејќи нарушеното орално здравје носи реперкусии и по општото здравје и ја нарушува биорамнотежата на целиот организам;