/11 /11

Редакција Рингераја :

Педијатрите најчесто препишуваат антибиотици(АБ) и за  најмала настинка.Колку е тоa  штетно?

Одговор:

Прим др. Јасна Анастасовска, специјалист педијатар

Со оглед  дека антибиотиците делуваат само кај бактериските инфекции,нема индикација  за примање на АБ, ниту дејство , кај вирусни инфекции. Претерана, неадекватна употреба на АБ има свои негативни ефекти, во смисла на развој на   резистенција на бактерии кон тој АБ. Исто така е забележана и почеста појава на уринарни инфекции  кај тие деца.

Редакција Рингераја :

Дали може да го спречиме или намалиме  честото разболување  кај децата?

Одговор:

Прим др. Јасна Анастасовска, специјалист педијатар

Основен принцип во медицината е превенцијата. Тоа важи и за инфекциите. Избегнување на контакти со лица со инфекции, престој во затворени простории со многу луѓе,  бакнување на бебињата, се едни од начините за намалување на можноста  за  респираторни инфекции.  Во таа смисла не се препорачува и престој на деца во градинки, до 3 години.

Редакција Рингераја :

Колку се ефикасни вакцините против респираторните заболувања(респивакс) и од која возраст?

Одговор:

Прим др. Јасна Анастасовска, специјалист педијатар

Не се работи за вакцини во права смисла за зборот.  Се работи за лизати на најчести батериски предизвикувачи на респираторните инфекции, поради што  ,  доколку се препорачуваат, би требало да биде над 5 години, кога  тие  инфекции се почести(предходно доминираат вирусни).  Искуствата за ефикасност се индивидуални.