/11 /11

Многу мајки мислат дека за одвикнување од пелени е секогаш рано, па така многу деца и со три и пол години сеуште носат пелени.

За да не се доведете во таква ситуација, себеси и детето, искористете го ова лето. Олеснителна околност е тоа што облекувањето и соблекувањето се многу полесни (детето носи помалку слоеви облека),  заради топлото време не мора да се грижите дека детето ќе настине.

Во процената за спремност на детето постојат неколку важни моменти на кои треба да се обрне внимание: дали детето е заинтересирано да оди во тоалет, дали сака да носи гаќички и слично, дали е свесно дека пелената му е сува или мокра и дали се жали на мокрите пелени. Проверете дали детето со гестикулации или зборови најавува дека извршува мала или голема нужда и се користи ли во секојдневниот говор со зборови кои означуваат извршување на нужда.

Вооружете се со трпение и почнете со подготовки. Набавете неколку пара гаќички и резервна облека и носете го нокширот и кога одите надвор од дома. Кога еднаш ќе започнете – не престанувајте, за да не го збуните детето.

План

- Набавете нокшир (детето само нека го избере) или држач за WC школка.

- Извадете му ги пелените на детето и ставете му гаќички кои лесно се соблекуваат и облекуваат.

- Одведете го детето повеќе пати со себе во WC и објаснете му за што служи и како Вие го користите. Кажете му дека и тоа треба себе да врши нужда во нокшир или на WC школка.

- Кога ќе забележите дека детето дава знаци за вршење нужда, понудете му го нокширот.

- Ако детето се измочкало во гаќите немојте да негодувате само мирно кажете му дека сега е потребно да го пресоблечете.