/11 /11

Значи поради не редовна орална хигиена, на забите се таложи забен плак. Овај забен плак на почетокот е една лигава, вискозна материја која со долготрајно перзистирање во усната шуплина поради не четкање на забите задржува на себе минерали од плунката и преминува во забен камен. Целата оваа содржина се состои од колонии на бактерии кои покрај што предизвикуваат кариес, ги напаѓаат и локалните потпорни елементи на забот, првично непцата со тоа што гингивата почнува да станува зацрвенета, отечена и на лесен допир крвари, а потоа оди и во подлабоките слоеви на коската каде го руши периодонталниот лигамент кој го држи забот во коска и најпрво прави пародонтален џеп, па потоа и целосно расклатување на забот и негово губење.

Во никој случај не се оправдува она мнение кога ќе кажат "тоа ми е наследно и за мене нема спас,". Сето ова е лаичко прифаќање на проблемот, бидејќи иако постои хипотеза за тоа дека пародонтозата е генетски предиспонирана, со редовна орална хигена, редовни превентивни контроли и соодветни тераписки постапки се спречува нејзиниот напредок. За потврда на ова нека остане на ум следната поговорка "Генетскиот материјал ја полни пушката, но стилот и начинот на живеење го повлекува чкрапалото".