/11 /11

“Бројот 3.621 ќе биде првиот број за новата серија на Оскари кои ги правиме. Тоа значи дека до сега се произведени 2.620 статуи”, објаснува претседателот на компанијата “R.S.Ovens”, Скот Сигел. Рачно изработените фигури претставуваат човек кој држи меч и стои на филмска лента. Направени се од комбинација на различни метали и тежат околу 3,8кг, а деталниот процес на производство трае 10 дена. “Најпрво започнуваме со рачно лиење, па потоа рачно посипување. Следниот чекор е сечење, па потоа брусење, додека не се добие совршената фигура. Потоа доаѓа полирање, за да се добие вистинскиот сјај и да се отстрани несовршеноста”, објаснува менаџерот на фабриката, Хорхе Марокин.

Следната фаза е рачно потопување  на статуата во бакарен калап, па потоа во никел, сребро, и на крајот во 24-каратно злато. Основата на статуата се прави посебно и специфично е обложена со црн никел.
Пред да биде детално прегледана, статуата се спојува со основата и се пакува во кутија, а во тој процес се користат бели ракавици.

“Тоа е посебна награда. Пред се, се доделуваат околу 50 статуи годишно и сметам дека самата по себе е многу важна, бидејќи Филмската академија го задржа ексклузивитетот на овие награди”, вели Сигел.

По објавата на номинациите, статуите се пакуваат и испраќаат таму каде ќе бидат доделени, а пред да си ги земат добитниците, на секоја статуа се гравира соодветното име на добитникот.

Номинаците за 84-тите Оскари беа објавени вчера, а церемонијата на доделување на истите ќе биде на 26 февруари, јавува Blic.rs