/11 /11

Редовната орална хигиена е примарен и есенцијален фактор во спречување на настанокот на кариес. Под орална хигиена се подразбира редовно четкање на своите заби, правилно четкање, плакнење на устата со флуорирани водички, користење интердентален конец и посетување на редовни превентивни прегледи на стоматолог. Превентивните прегледи е добро да се прават барем на шест месеци (два пати годишно), или во најдобар случај на секои три месеци (четири пати годишно). Честотата на превентивните контроли ја одредува стоматологот и зависи од склоноста кон појава на кариес, возраста на пациентот бидејќи пубертетот е еден од периодите кога најмногу пропаѓаат забите, исто така бременоста кај жените бара посветување поголемо внимание на своите заби.

Во одредени случаеви покрај редовната орална хигиена, и превентивните посети на стоматолог е потребно да се направи и рентген снимка со која би се расчистиле сите дилеми за одредени сомневања кои неможат да се видат визуелно со голо око.