/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Природата не поттикнува во уживање на пијалоци со балончиња. Природните извори на минерална вода секогаш пленат со својот вкус, мирис и добро дејство на човекот.  Вербата во опоравување му создале навика на човекот да консумира пијалоци кои се природно газирани, но не баш вкусни за пиење.  Токму тоа ги потсетило технолозите да понудат пијалок кој е ослободен од природната горчина и дополнително нашминкан со ароми, пријатни за нашите сетила.

Децата често пијат премалку течности. Со потење нашето тело губи важни минерали и електролити. Со губењето на 10% од телесните течности, се намалува способноста на организмот за 50%. Токму заради тоа, од исклучителна важност е секојдневна консумација на течности.

Како родители треба да бидеме малку мудри и да им дозволиме на децата повремено да “грешат” и да пробаат од забранетото овошје. Со поголемите деца можеме лесно да се договорите – кажете им да јадат правилно, доволно да се движат и да бидат физички активни, па ќе можат повремено да пијат газиран сок.

Газираните сокови се пијалоци со висока енергетска вредност, кои за брзо време го намалуваат чувството на глад, а воедно се сиромашни со витамини и минерали кои им се многу потребни на децата. Со пиењето на слатки газирани сокови, во организмот се внесуваат т.н. празни калории, кои водат кон дебелеење. Уште ако децаат обожаваат грицки и колачи, на тој начин може да се загрози нивниот правилен раст и развој.

Една лименка на обоен газиран сок содржи иста количина на кофеин како и една шолја кафе. Заради тоа децата кои пијат сокови кои содржат кофеин, имаат проблеми со спиењето, до доцна остануваат будни и имаат проблеми со концентрацијата при учење.

Обидете се да им ја исполните желбата да пијат газиран сок, а притоа тој да биде здрав. Еве што можете да им подготвите:

- Минералната вода е совршена подлога за подготовка на газиран сок дома. На секој пјалок ќе му даде пријатно чувство на свежина. По желба направете газиран сок од јаготка, праска, боровинка, ананас, брусница и друго.

- Една чаша јогурт измешајте со овошје и изматете го додека не стане пенасто. Додадете минерална вода до саканата густина. Слатко, вкусно и здраво.

- Свежиот сок од лимон, мандарина или портокал исто така може да се разреди со мала количина на минерална вода. По желба засладете го со лажичка мед. Ваквиот напиток е освежувачки, полн со витамини и газиран.

Генерално правило е да се има умереност кога се газираните сокови во прашање.