/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Кога луѓето се гладни лесно ги губат нервите и можат да се скараат со својот партнер, покажало новото истражување. Научниците кажуваат дека во ситуациите кога сме гладни, мозокот нема доволно енергија за самоконтрола, па шансата дека ќе се скараме со партнерот е значително поголема.

Како што напоменуваат авторите на студијата, бидејќи мозокот зазема само 2% од нашата телесна маса, тој троши околу 20% од вкупниот број на калории. Според тоа, може да се каже дека на мозокот му е потребна голема количина на енергија. Тоа е многу едноставен совет, но навистина делува: пред да се расправате со партнерот, прво јадете.

Овој совет го дале американските научници откако го проучувале нивото на шеќер кај паровите под влијание на агресија во склоп на новото истражување објавено во списанието Proceedings of the National Academy of Sciences.

Во истражувањето учествувале 100 брачни парови кај кои е мерено нивото на шеќер наутро и навечер.

Според зборовите на Brad Bushman, лицата кои имале пониско ниво на гликоза во крвта биле значително по лути, па дури и оние кои изјавиле дека со партнерот имаат добар однос при пониско ниво на шеќер во крвта чувствувале лутина.

Научниците советуваат дека за да имате здрав однос посебно е важно да ги држите чувствата под контрола.  Исто така имајте на ум дека можноста за самоконтрола е најслаба во ноќните часови, а професорот Bushman истакнува дека расправата за деликатните и тешки теми треба да се остави за по оброкот.