/11 /11

Адриана Лима

Адриана Лима почнува напорна подготовка за шоуто еден месец порано. Од менито целосно го исклучува шеќерот, лебот и пастата. Не пие никаков алкохол. Адриана Лима признава дека откако наполнила 30 години, мора повеќе да внимава што јаде и да тренира понапорно. Еден месец пред ревијата тренира секој ден, наместо 3 пати неделно. Скока на јаже, оди секојдневно во теретана и неколку пати неделно тренира бокс. По секој тренинг пие  протеински шејк.

Алесандра Амбросио

Алесандра Амбросио исто така е ветеран во шоуто на Victoria's Secret. Алесандра започнува напорна подготовка за шоуто 2 месеци порано. Не го менува начинот на исхрана. Преферира избалансирано мени - јајца за појадок, а за вечера и ручек - салати и пилешко месо. Алесандра Амбросио тренира пилатес, јога и балет. Тие му даваат флексибилност и тонизација на нејзиното тело.

Лили Олдриџ

Лили Олдриџ е меѓу моделите кои се противници на диетите. Лили се одлучува за  здраво мени, дури и пред шоуто. Не гладува. Два месеци пред  церемонија Лили Олдриџ  јаде претежно месни протеини, овошје со низок гликемиски индекс и зеленчук. Недела пред шоуто целосно ја исклучува солта од менито. Пред шоуто тренира секој ден, а омилени и се пилатес вежби, јога и балет.

Даутцен Крус

Даутцен Крус се породи во јули и не можеме да одречеме дека успеала да влезе во форма. Топмоделот не држи  диета, бидејќи се уште дои. Единствено што исклучила од менито, се слатките работи, па дури и чоколадото. Нејзината супер фигура е резултат на секојдневните вежби од серијата Ballet Beautiful. Тие помагаат за опуштање, а истовремено и затегање на телото.

Бехати Принслу

Два месеци пред шоуто на Victoria's Secret Бехати Принслу ги запира сите јаглехидрати, храна со шеќер и сол, како и алкохолот. Дава акцент на протеините, зеленчукот и водата. Единственото искушение, на кое се оддава понекогаш, се чоколадото и желе бонбоните. Две недели пред шоуто го зголемува интензитетот на тренинзите, па тренира напорно барем еден  час секој ден. Бехати  Принслу сака да плива и да оди на јога.

Карли Клос

Карли Клос е обожавател на здравата исхрана. Таа избегнува да се храни надвор и голем дел од храната која ја јаде, ја приготвува сама. За шоуто на Victoria's Secret се подготвува со кардио вежби. Карли Клос ги прави истите вежби како за загревање, така и по тренингот.

Кендис Суанепул

Кендис ретко зборува за диетите. Топмоделот сака да ги споделува деталите околу режимот на  тренинзите. Таа исто така е меѓу ангелите кои тренираат бокс. Освен тоа, во нејзините тренинзи задолжителни се пилатес вежбите. Кендис е една од ретките топмодели кои ги избегнуваат кардио тренинзите.