/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Генерациите на модерни жени со работни и семејни обврски имаат и навика секогаш да бидат дотерани, бидејќи живеат под императив дека  жената може и мора да има се. Песимистични се и прогнозите дека нивните ќерки  ќе бараат уште повеќе.

Вработените мајки изјавиле дека на нивните мајки им било полесно, бидејќи им било дозволено да останат дома и да ги одгледуваат децата. Општеството од нив не очекувало да бидат успешни и на работа. 

Половина од вработените мајки признаваат дека чувствуваат грижа на совест што заради кариерата не поминуваат доволно квалитетно време со своите деца. Оптоварува и фактот што четвртина од вработените жени се единствени со месечен личен доход и од нивните приходи живее целото семејство.

Многу од анкетиранте мајки се опишале себеси како припаднички на генерацијата “Да работиш се, - а да немаш се”. Нешто повеќе од половина од испитаничките рекле дека им е битно да имаат добра работа, но 73% од жените признале дека се под притисок да го одржуваат домот чист и уреден. Повеќето од нив истакнале дека и понатаму готват, чистат, перат и пеглаат.

Но тоа не е се.

Жените се задолжени да ги помнат датумите на  родендените од поширокот круг на пријатели, од својата и фамилијата на сопругот, да одржуваат контакт со роднините, а една третина од нив ја презела и обврската да се грижи за здравјето на семејството, особено на постарите членови.

Каде се тука мажите?

Дури 83% од жените веруваат  дека помошта од сопругот или партнерот го олеснува животот, а повеќе од една четвртина им забележува на своите сопрузи што не им даваат безрезервна поддршка.

Исто така 68% од мајките се уморни од чекање да бидат во топ форма и модерно облечени, а секоја трета е под постојан притисок дека мора да биде совршена мајка.

Од анкетата е изведен следниот заклучок: Просечната мајка повеќе не е ограничена со старомодните машки или женски стереотипи дома и на работа. Но тоа носи поголема одговорност и поголем притисок, односно очекувања. Бидејќи се смета дека тој притисок нема да се намали во однос на идните генерации, тие истакнуваат дека многу би сакале да ги распоредат семејните обврски и да ги исполнат своите работни амбиции, па апелираат до работодавците да бидат пофлексибилни.