/11 /11

Легендарната американска поп-пејачка Витни Хјустон почина на 48. години, изјави нејзината менаџерка Кристен Фостер, пренесува CNN. Причината за смртта на пејачката, која ги одбележа 80-те и 90-те години, не е откриена во првата изјава. Полицијата известила дека Витни Хјустон починала во хотелот Беверли Хилтон, на Беверли Хилс. Витни Хјустон се бореше со зависност од дрога и алкохол долга низа на години, но не е потврдено дали нејзината зависност е поврзана со смртта.

Во текот на кариерата освои шест Греми и две Еми награди, а публиката ќе ја помни по хитовите "Where do broken hearts go", "I wanna dance with somebody", "Greatest love of all" и веројатно најпознатиот "I will always love you", песната од филмот "Телохранител" во кој играше главна улога заедно со Кевин Костнер.