/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Поп пејачката Нина Бадриќ (39), на изглед скромна, многу духовита во друштво, шармантна и омилена на публиката, уверена е дека следната година е онаа во која ќе доживее исполнување на соништата и дека ќе се оствари во улогата на мајка,  како што неодамна и посака преку отворена радио емисија нејзината најголема ривалка, Северина Вучковиќ.

-Верувам дека во моите четириесетти години ќе се случи природната рамнотежа. До сега бев концентрирана на кариерата, а сигурна сум дека во годините кои доаѓаат ќе се реализирам низ мајчинството, вели Нина.
Таа објаснува дека сега гледа позрело на мајчинството.

- И не само кога не би можела да имам свое дете. И кога би го имала, би сакала да посвојам бидејќи имам финансиски можности за тоа. Ги обожавам децата и својот дом, во иднина, го гледам полн со деца. Мислам дека родител е оној кој те сака, а не е нужно тој да биде оној кој те родил. За жал, има многу мајки кои ги оставиле децата, па ги одгледале некои прекрасни луѓе. Во последно време често влегував во расправии каде беа наметнати размислувања дека жените се реализираат дури откако ќе станат мајки. Мислам дека сите можеме да се реализираме само преку љубов и давање на себеси. Сметам дека би можела да бидам најдобра мајка на дете кое не е мое биолошко и дека би можела да му дадам повеќе љубов од неговата биолошка мајка, онаа која на пример го оставила, изјавува Нина Бадриќ за Story.