/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Најпрво започна создавањето на материјалот со кој се изработуваа венчаниците. Станува збор за уникатни парчиња на тантела и рачна изработка, кои беа создадени единствено за нашиот бренд, по мој дизајн. Финалниот производ ќе ја претставува идната невеста како синоним за нежност и суптилност, која на својот најубав ден ќе зрачи со грациозност и единственост.

Со оваа колекција се опфаќаат најголемите сништа на девојките, нивната потреба и желба да бидат различни, а сепак совршени. На себе да го имаат фустанот кој отсекогаш го посакувале. Оние невести кои ќе се пронајдат во овие венчаници ќе имаат можност да бидат дел од една поинаква приказна, приказна која ја раскажува нивната моќ со која ќе зрачат на нивниот најубав ден.

Фотосесијата беше изработена во пустината во Дубаи, која совршено се вклопи со тематиката на мојата колекција. Самата пустина раскажува поинаква приказна секогаш кога ќе ја посетите. Дива, бескрајна. Се прашувате што ќе најдете таму. Ние таму ја пронајдовме совршената локација за создавањето на овој проект.

Како што веќе напоменав, станува збор за финален производ на кој му престоеше голема подготовка, проект кој опфати голем број на професионалци. Фотографиите се дел на Дарко Мораитов, за изгледот на моделите беше задолжен Арменд Рамадани. Моделите се дел од MMG Eventz, модна агенција од Дубаи. Благодарение на посветеноста на тимот кој работеше на оваа фотосесија, имаме  производ кој ги оствари нашите очекувања.