/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Ако ја пресоливте супата, гулашот или сосот, додадете вода и ставете кромид и морков, па продолжете да готвите уште десет минути.

И киселината помага за ублажување на солениот вкус, па слободно на пресоленото јадење додадете му сок од лимон или киселина. Соленоста на зготвеното јадење може да се намали и со додавање на шеќер или мед.

Имајте при рака компир или јаболко

Доколку рецептот тоа го допушта, додадете млеко или јогурт, бидејќи тие ја убиваат солта. Кај народот постои уште еден совет - кога ќе го пресолите јадењето, ставете еден излупен компир или јаболко, кој ќе го впие вишокот сол и по готвењето извадете го од јадењето.

Искусните кувари советуваат дека треба да го пробувате јадењето во тек на готвењето, а не само на крајот. Бидете внимателни и кога додавате зеленчук или доматен сос од лименка, бидејќи содржат многу сол.

Исто така, одличен додаток на пресолените јадења е тиквичка исечена на коцки, која ќе го неутрализира солениот вкус, а на пресолениот сос е најдобро да му додадете домат.

Славната америчка куварка Марта Стјуарт предлага во пресолените јадења да додадете павлака. Може да додадете млеко, или несолено сирење.