/11 /11

1. Кажете НЕ на рутината

Излезете и забавувајте се, како што го правевте тоа додека бевте во врска. Но внимавајте, тоа не смее да биде дел од рутината, туку Ваша искрена желба. Сетете се што е она што најмногу сакавте да правите заедно кога почнавте да излегувате. Можеби гледање филмови, долги прошетки, ручек надвор од домот...

2. Обидете се да зачувате малку мистерија

Не мора да знаете се' што прави Вашиот партнер. Не морате да ги читате пораките во неговата пошта, од профилот на Фејсбук, или мобилниот телефон. Излегувајте насамо со пријателките, како и тој со пријателите. Малку мистерија и слобода е секогаш добредојдена за да ја зачини врската.

3. Секс, нормално

Зафатени сте, уморни и многу често го заборавате нештото кое што е многу важно за здрав и среќен брак - сексот. Докторите велат дека што помалку го имате, Вашето тело се прилагодува и ја намалува желбата. Од друга страна пак, паровите кои имаат секс неколку пати неделно, уживаат во поквалитетен заеднички живот.

 4. Одложете ја кавгата

Постојано дебатирате за проблемите кои ги имате? Стоп! Брачните советници предлагаат да направите договор и барем неколку недели да не решавате проблеми. Барем малку одложете ги и видете што ќе се случи доколку нема кавга. Понекогаш со тоа се открива дека всушност нешто сосем друго Ви пречело или пак може да сфатите дека проблемот воопшто не заслужувал внимание и нервоза.

5. Куќна работа-правете ја заедно

Многу истражувања покажале дека брачните двојки кои ја работат куќната работа заедно, имаат повеќе секс.  Тоа има некаква врска со работата во тим. Истражувачите во Холандија откриле дека клучот за женската потреба за секс, лежи во релаксацијата и отсуството на аксиозност.

Како најважно, БИДЕТЕ СПОНТАНИ И ПОЛНИ СО ЖИВОТ! Така повеќе ќе се почитувате и ќе ја негувате љубовта.