Фото:Canva/Јакнењето на мускулите на дланката и прстите е важно за развојот на фината моторика, правилниот стисок на моливот, самостојното облекување и секојдневните активности кај децата. Преку игра и забавни активности, овие вештини можат да се развиваат природно и без притисок.

/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Мускулите на дланката и прстите се клучни за пишување, цртање, самостојно облекување и фина моторика.

Постојат едноставни и забавни игри кои ги зајакнуваат овие мускули.

Зошто е важно да се јакнат мускулите на дланката?

Слабата фина моторика може да доведе до: тешкотии при држење на молив, брзо заморање при пишување, помала прецизност во движењата, а со тоа фрустрација кај детето.

Редовните активности со рацете ја развиваат силата, координацијата и самодовербата.

1.   Игра со пластелин или тесто

Детето пластелинот или тестото може да го стиска, тркала и обликува. Може да се прават фигури, букви или животни. Оваа активност ги активира сите мускули на дланката и прстите.

2. Штипки за алишта, мала игра со голем ефект

Дозволете му на детето: да закачува штипки на картон или да прави облици или броеви со нив. Стискањето на штипките е одлична вежба за зајакнување на прстите.

3. Префрлање зрна или мали предмети

Со лажичка, пинцета или прсти вашето дете нека префрла од едно на друго место: грав, леќа или монисти. Оваа игра ја подобрува прецизноста и контролата.

Напомена: Оваа игра секогаш се игра под надзор кај помали деца.

4. Кинење и лепење хартија

Дозволете му на детето да кине хартија на мали парчиња и да лепи колаж. Оваа активност ја јакне дланката и ја развива креативноста.

5. Игра со сунѓери и вода

Детето може да натопува сунѓер и да го стиска за да излезе водата. Оваа игра е одлична за силата на дланката, особено во лето или во бања.

6. Навртување и одвртување капачиња

Користете пластични шишиња или тегли со различни големини за оваа игра. Со неа се развива ротацијата и стабилноста на дланката.

7. Цртање и боење со различни алатки

Вашето дете нека пробра да црта со: дебели боички, креда и фломастери. Различните големини ја стимулираат контролата и силата на фатот.

Како да ги вклучите игрите во секојдневието?

Играњето нека биде кратко, но редовно, на пример 10 до 15 минути дневно. Нека биде забавно, а не да се чувствува како обврска. Детето нека ја избере играта, а вие бидете му пример. 

Зајакнувањето на мускулите на дланката не бара скапа опрема или апликации. Понекогаш, наједноставните игри се најкорисни. Со малку време и креативност, можете да му помогнете на детето да развие важни вештини додека се забавува и расте.