Совети за спречување на пукање на јајцата

Автор: P. L. | 20.4.2011

Дали веќе размислувате како ќе ги бојадисате Велигденските јајца? Ве загрижува ли помислата дека за време на варењето јајцата може да испукаат? Собравме неколку совети на домаќинки, како да го спречите пукањето на јајцата за време на варењето.

Варете ги полека на тивок оган

Проблемот со пукање на јајцата започнува уште при самото варење, лушпата започнува да пука и испуканите јајца веќе не можеме да ги употребиме за бојадисување. Некои домаќинки советуваат јајцата да ги извадите од ладилник неколку минути пред варењето. Внимателно ставете ги во тенџере, ставете ладна вода и варете ги полека на тивок оган, се додека не зоврие водата. На овој начин лушпата на јајцето полека ќе се прилагодува на се повисока температура и помала е веројатноста да испука.

Додадете сол во водата

Солта може да помогне лушпата на јајцето да не испука. Во водата во која се варат јајцата ставете неколку лажици готварска сол. На овој начин ќе го спречите пукањето на јајцата.

Додате оцет во водата

Некои домаќинки му веруваат на оцетот. Тие советуваат во водата во која се варат јајцата да се додаде половина чаша оцет. Оцетот помага лушпата на јајцето да стане пофлексибилна и да се спречи нејзино пукање.

Имате и Вие некој испробан рецепт? Споделете го со нас на форумите!

Прочитајте уште:

Бојадисување на јајцата со природни бои