Палешка РР во 17:14
на тема GIVEAWAY на Инстаграм: Одговорете точно на прашањето
Несомнено, овој роман е новата ѕвезда која ќе го засени македонското литературно небо и ќе блеска долго!
Најавена е и промоција која ќе се одржи во родниот град на авторот - Прилеп.
Честитки и желби за големи успеси до авторот, кој со задоволство ја прифати нашата покана.
На прашањето Кој е Александар Костадиноски, тој вели :
”Јас сум дипломиран графички инжинер, професор по стручни графички предмети во СОУ „Ристе Ристески-Ричко“ Прилеп, оженет, татко на Марко и Бојан, заљубеник во природата, историјата и фотографијата."
Александар: Па, јас би рекол дека пишувањето ме откри мене, затоа што во моментите на беспомошност и потреба да се споделат чувствата со некого едноставно зачука на мојата врата.
Рингераја: Кога започна со пишување и како сфати дека тука „лежи“ книга?
Александар: Костурот на романот долго лежеше во моите мисли и планирав таму да стои за некои помирни времиња, но... Еден ден, додека се запознавав со учениците со кои за прв пат се среќавав прашувајќи ги за нивното хоби една ученичка ми рече „Пишувам книги“. Се изненадив и реков „Браво и јас имам готова книга во мојата глава, но ќе ја пишувам во моите пензионерски денови.“ Ученичката ме погледна и сериозна иако прв пат разговаравме ме праша: „Професоре, а зошто не сега!?“ Тоа А ЗОШТО НЕ СЕГА!? ѕвонеше во мојата глава се додека не се охрабрив и започнав со самиот процес на нејзино физичко создавање.
Рингераја: Колку време беше потребно за да ја напишеш книгата?
Александар: Ова прашање има три одговори.
Првиот: За да ја напишам оваа книга ми беше потребен цел живот, затоа што таа е сублимат на се она што во овие четириесет и две години доживеав, причитав, научив, почувствував и искусив.
Вториот: За да ја напишам оваа книга ми беше потребна една година за да го разработам нејзиното дејство.
Третиот: За да ја напишам оваа книга ми беа потребни 33 денови интензивно пишување.
Рингераја: Што те инспирираше за да ја напишеш?
Александар: Мудриот кинески народ рекол: „За да живееш исполнет живот, роди син, посади дрво и напиши книга.“ Од сите три нешта кои водат кон исполнет живот мене ми беше останала само третата, да напишам книга. Сепак за да се напише книга не е ниту малку едноставна работа. За нејзиното создавање потребни се океан чувства кои како цунами ќе надојдат и ќе направат „пустош“. Од тој „пустош“ од тој пепел како Феникс ќе излета секој збор, секоја буква на белите страници и ќе создаде приказна.
Тие чувства секако беа предизвикани најмногу од лудото секојдневие содржано во безмилосното уништување на природата, напуштањето на вековните човекови етички норми, потсмевањето на се она што е македонски и секако „забавата“ која ни ја приреди пандемијата наречена Ковид 19. Лудило наречено ново нормално. Нормалното едноставно е нормално и секое друго негово преименување е измама, стапица во која треба да се уловиме и како муви во пајакова мрежа да ни бидат исцицани животните сокови. Нормално е само она што нашето срце вели дека е, само она кое Бог од памтивек го создал и благословил.
Рингераја: За која читателска публика е наменета?
Александар: Како што на самата корица напишав, ова е книга за вредностите кои полека умираат, така да би рекол дека во неа ќе уживаат сите оние кои ја сакаат природата и нема да ги нервираат долгите описи за истата, оние кои ги сакаат авантурите, традициите, оние кои гордо чекорат по земјата Македонска затоа што се Македонци.
Рингераја: Самиот си издавач, уредник и креатор на цртежите. Каков беше процесот на издавање? Каде читателите можат да ја набават?
Александар: Процесот на создавање е еден од најдобрите и најубавите моменти во животот на еден човек, процес во кој тој своите чувства ги исковува во креации. Едноставно љубовта создава инспирација, а инспирацијата креација.
Книгата може да се најде на страната на M-Art Design.
Рингераја: Кога да очекуваме промоција?
Александар: Помоцијата е планирана на 1ви јуни 2022 година во близина на село Волково, Прилеп. Тоа е местото каде се одвива дејството во романот, така што промоција на „местото на злосторството“ би било очекувано и соодветно. Желбата промоцијата да биде токму таму ја потрепи фактот што на денот на излегување од печат на романот, во близина на Волково беше откриена античка градска бања од голем обем. Таа „случајност“ уште повеќе ја разгори мојата желба за една необична промоција.
Рингераја: Сите кои досега ја имаа честа да "патуваат" низ твоето дело, а дефинитивно и сите кои во иднина ќе го сторат тоа, имаат заеднички заклучок - "гладни" се за уште дела од Александар. Се надевам се согласуваш со тоа и дека имаш уште многу да споделиш со нас?
Александар: Јас би рекол, да сме здрави и живи и Господ да не води низ трнливиот пат на животот, а останатото ќе го покаже времето. Тоа е една од најчудните и најнеистражените непознати во равенката наречена живот. Тоа нека биде сведок на моментите кои доаѓаат, тоа нека напише епитаф за животот кој сме го живееле.
Му благодариме на Александар за издвоеното време. Му посакуваме успешна промоција, многу тиражи и се разбира, уште многу напишани дела.
pumpici za izmolzuvanje
Автор: fetusce
pumpici za izmolzuvanje elektricna Lun
moite najmili
Автор: selvi
Продвижение групп ВК
Автор: prodvijenieVK
Привет! Занимаюсь раскруткой групп ВК!!
Онлайн вакансии
Автор: onlinerabota
Бизнес на дому! Проводите время в сети
moite najmili
Автор: jovanja
забава Бремените
Автор: bobik
Највисоко ниво на хигиена за вашето семејство и дом
Пролетта редовно ја дочекуваме со планови, меѓу другото, за генерално ...
Кејт Мидлтон објави дека има канцер
Принцезата од Велс (42) храбро објави дека се бори со болеста и оди на...
Детскиот хирург Симеонов доби син
Трето, па машко. Добредојде Миха. Ти ќе бидеш нашиот херој, напиша поз...
Кој стои зад успешноста на Shea Homemade?
Зад успешноста на Shea Homemade стоиме јас, мојата сестра и мојата мај...
Природен избор за мирен сон на вашите малечки
Нема ништо поскапоцено од мирен сон за нашите најмaли, кој е основа за...
Што да дознаете.
пеперутка16
Кога би носеле тројки, што би направиле?