Мешунки

/11 /11

Но подуеноста не е само резултат на прејадување, туку често на комбинација на храна што телото тешко ја вари. Па, кои се тие намирници што можат да го нарушат вашиот гастро-комфор?

1. Млечни производи

Млекото, јогуртот, сирењето и другите млечни производи се први на листата ако имате нетолеранција на лактоза, односно телото не создава доволно лактаза, ензим кој ја разградува млечната шеќер-лактоза. Резултатот е: гасови, подуеност, дијареа.

Совет: Обидете се со безлактозни производи или растителни алтернативи како бадемово или овесно млеко.

2. Грав и мешунки

Леќата, гравот, боранијата се полни со влакна, протеини и нутриенти. Но исто така содржат олигосахариди, шеќери кои телото не ги вари целосно и кои ферментираат во дебелото црево.

Совет: Гответе ги добро, оставете ги да се накиснат претходно и воведувајте ги постепено во исхраната.

3. Крстoцветни зеленчуци

Брокула, карфиол, зелка, прокељ се здрави, но чести предизвикувачи на надуеност. Причината се сулфурните соединенија и нерастворливите влакна кои ферментираат во дигестивниот тракт.

Совет: Наместо да ги јадете сурови, варете ги на пареа. Така ќе бидат полесни за варење.

4. Газирани пијалаци

Содржат јаглероден диоксид, гас кој веднаш завршува во стомакот. Дури и природно газираната вода може да биде проблематична кај чувствителни луѓе.

Совет: Наместо газирано, пијте вода со лимон или чај од нане кој го смирува дигестивниот тракт.

5. Вештачки засладувачи (сорбитол, ксилитол, манитол)

Често се наоѓаат во „sugar-free“ производи: гуми за џвакање, протеински барови, диетални слатки. Овие алкохолни шеќери се слабо сварливи и често предизвикуваат гасови и грчеви.

Совет: Читајте ги декларациите внимателно, „без шеќер“ не значи и дека сте заштитени од подуеност.

6. Леб и пекарски производи од бело брашно

Содржат малку влакна, но содржат и глутен кој кај некои лица предизвикува чувствителност. Покрај тоа, квасецот може да биде дополнителен фактор.

Совет: Обидете се со интегрални или безглутенски алтернативи и внимавајте на свежината.

7. Преработени меса и солена храна

Преголемите количини на натриум ја задржуваат вода во телото, што предизвикува оток и чувство на „надуен стомак“.

Совет: Намалете сол и внесувајте повеќе калиум преку банани, спанаќ, авокадо.

Кога подуеноста е аларм?

Ако подуеноста е честа, болна или придружена со губење тежина, промени во столицата или гадење, потребно е да се консултирате со гастроентеролог. Понекогаш проблемот не е само во храната, туку во состојби како Синдром на иритабилно црево (IBS), целијакија или SIBO (бактериски раст во тенко црево).