Фото:Canva/Кај многумина, таа знае да биде осетлива, лесно да се иритира, да реагира на промени во времето, козметички производи или стрес.

/11 /11

За актуелни содржини и вести од светот на родителството и бременост изберете ја Рингераја како свој омилен извор на Google.

Постави

Осетливата кожа не е болест сама по себе, туку состојба која бара повеќе внимание и правилна грижа.

Како да препознаеш осетлива кожа?

Осетливата кожа често се манифестира со: црвенило и чувство на печење, сувост и затегнатост, појава на ситни осипи или луштење, реакции на одредени креми, мириси или температурни промени.

Што ја прави кожата осетлива?

Причините може да бидат различни:

• Генетика, некои луѓе природно имаат потенка и поранлива кожа,
• Сувост, недостатокот на природни масла ја прави бариерата послаба,
• Козметика, агресивни сапуни, алкохол или парфеми можат да предизвикаат иритација,
• Време, студ, ветер, сонце и загадување ја оптоваруваат кожата,
• Стрес и исхрана,  внатрешни фактори кои исто така влијаат врз реактивноста на кожата.

Како да ја смириш и заштитиш?

1. Избери нежна нега
   Користи благи среедтсва за чистење без сулфати и сапуни. Гелови или млека со хидратантни состојки како алое вера, хијалуронска киселина, овес се подобар избор.
2. Хидратација е клучот
   Креми со керамиди, ниацинамид или масла како јојоба и бадемово масло помагаат да се зајакне заштитната бариера.
3. Избегнувај агресивни состојки
   Алкохол, силни киселини и парфеми можат да ја влошат состојбата. Ако користиш активни состојки како ретинол, АХА киселини, воведи ги постепено.
4. Заштита од сонце
   Дури и осетливата кожа има потреба од заштита. Избери минерален SPF со цинк оксид или титаниум диоксид кој е поблаг за тенот.
5. Внимавај на навиките
   Избегнувај премногу топла вода, често допирање на лицето и грубо бришење со крпи.

Кога да побараш стручна помош?

Ако црвенилото и иритацијата не се смируваат или се појавуваат често, најдобро е да се консултираш со дерматолог. Понекогаш зад осетлива кожа стојат состојби како розацеа, дерматит или алергии кои бараат третман.

Осетливата кожа не треба да те спречи да се чувствуваш убаво и сигурно. Со правилна нега, нежни производи и малку трпение, можеш да ја смириш и да ја зајакнеш, без дополнителна иритација.